Skip to Content

Thursday, March 28th, 2024
ئاسمانێك لەخۆشەویستى …!…..سێوەخان

ئاسمانێك لەخۆشەویستى …!…..سێوەخان

Closed
by November 26, 2008 ئەدەب

 ئاسمانێك لەخۆشەویستى …!
 سێوەخان

 

 ڕوانینى یەكەم بۆئەڤین ،
 ساتى ناسینى ماڵى ئەستێرەكانەو ،
 گەڕانەبەنێو هەستەكاندا و،
 وازهێنانە لەئەسرینى نائومێدى .
 ئەودەمانەى مانگ وێنەى خۆى دەبەخشێتە دەریا،
 زەنوێرەكان شاگەشكە دەبن ،
 بەگەڕانەوەى پەپولەكان و،
 ژیان وێناكانى خۆى دەنەخشێنىَ و،
 ئاسمان بەفرمێسكەكانى ،
 كانیاوەكان پاراو دەكات .
 ئیدى خەم ماڵئاوایى دەكات و ،
 دڵ لێوان .. لێودەبێت لەخۆشەویستى و ،
 زەمەن وانەكانى سۆز دەنووسێتەوەو،
 پەنجەرەكانى بوون واڵادەبن،
 تاپەلكە زێڕینەو گوڵ ،
 چیرۆكى دولبەرى باخچەو كەنارى بنوسن و،
 نمایشى وێنەكانى ژوان بكەن و ،
 كۆتایى بەسەرابستانى ژیان بهێنن و ،
 لەئامێزى پایزو باران و گەڵادا،
 سروودەكانى خۆشەویستى بچڕن .
 
 سوید

Siwa_xan@yahoo.com

 24/11/2008
 زەنوێر: دەشتى پڕلەگوڵ و گوڵزار
 

Previous
Next
This site is registered on wpml.org as a development site.