Skip to Content

Tuesday, January 26th, 2021

ئاوه‌دانم به‌ ئه‌وین …. حه‌سه‌ن مسته‌فا

Be First!
by October 21, 2012 ئەدەب

 

 

1- 

كه‌ قژه‌ درێژه‌كه‌ت بڕی، له‌حه‌ژمه‌تا گریام

كه‌ گوێچكه‌ بچووكه‌كانتم بینین، له‌خۆشیانا گریام

 

2- 

سه‌رنجڕاكێشتره‌ شه‌وبۆ، له‌لاسكه‌گیا 

وه‌ك ده‌ركه‌وتنی گوێچكه‌ی یار

له‌نێو تاریكایی قژیا.

 

3- 

ملوانكه‌یه‌كم بۆیار كڕیوه‌

سه‌دجار ، ئه‌ملاو ئه‌ولام ماچكردووه‌ و

له‌نێو قامكم توندگرتووه‌… تانه‌كه‌وێ‌.

چونكه‌ ده‌زانم بۆ دواجار

له‌كوێ‌ به‌هێمنی ده‌خه‌وێ‌.

 

4- 

ئه‌وكاته‌ی دێیته‌ به‌رده‌مم

شكۆت له‌شكۆی شاژن ده‌چێ‌،

بۆیه‌ له‌كڕنۆش زیاتر

خه‌یاڵم بۆ هیچ شت ناچێ‌.

 

5- 

له‌وڕۆژه‌ی جانتام به‌شانته‌وه‌ دیت

زانیم گه‌وره‌بوویت،

چونكه‌ لام وایه‌ دوێنێ‌ بوو

كه‌ جانتای مه‌كته‌بت هه‌ڵده‌گرت. 

 

٦- 

یه‌كه‌م نیگات كه‌ تێگرتم

گوتم عه‌یبه‌ چاو داده‌گری…

دوای ئه‌و هه‌موو ماوه‌ زۆره‌ش،

له‌وێنه‌ی فێس بووكه‌كه‌تا هه‌ر ئه‌و نیگایه‌م تێده‌گری.

 

7- 

قسه‌كانت وه‌كو مینۆن

له‌ڕۆحمدا ده‌توێنه‌وه‌.

 

8- 

به‌گوێم ده‌كه‌ی دڵێك به‌ڕادانده‌ له‌گۆشت

ئه‌م دڵه‌ ئاسنه‌ت هه‌ڵگره‌،

بۆ رۆژانی كوشتن و جه‌نگ.

 

9َ- 

كه‌ ده‌وه‌ستی و خه‌یاڵ ده‌تبا

ئه‌وه‌نده‌ بۆ دوور مه‌ڕوانه‌

گه‌ر زۆر نزیكیش بڕوانی

ده‌مدۆزیه‌وه‌، چاك بزانه‌. 

 

10-

رۆژنیه‌ ،

به‌ترینگه‌ی بازنه‌كانی ده‌ستی، رۆحم له‌جه‌سته‌م نه‌ترازێ‌.

شه‌ونیه‌،

خه‌یاڵم نه‌زێ‌…

به‌ كێلی مل و قه‌دی باریك و خه‌وی ده‌م زێ‌.

 

11- 

هه‌رچی بۆیه‌ی دونیا هه‌یه‌

تاقیانكرده‌وه‌.

ره‌نگی لێوی تۆیان نه‌دۆزیه‌وه‌.

 

Previous
Next

Leave a Reply