Skip to Content

Saturday, September 19th, 2020

ئاوێتە بوون…. ناڵە حەسەن

Be First!
by February 26, 2008 ئەدەب

                                                           من لە نێو باخچەكانی بارانەوە
                                                            بۆ یەكەم جار
                                                           چاووم بە جوانیە سیحراوییە    
                                                              سوریالییەكانی
                                                            باڵای تۆ كەوت
                                                            لە نێو جوانیە بوركانیە زایەندییەكانی
                                                            باڵاَ سنەوبەرییەكەی تۆوەش
                                                            بۆ یەكەم جار
                                                            باران ڕۆح و هەناسە و هەستەكانمی   
                                                             تەڕكرد
                                                            لە نێو تابڵۆیەكی عەبەسیدا
                                                            من و تۆ و باران
                                                            لە قەد و باڵای یەكتری ئالابووین
                                                            وەك لاولاوەی
                                                            سەر پەنجەرەی ئاپارتمانەكانی بەهەشت
                                                            لە نێو باوەشی یەكتری ڕاكشابووین
                                                            وەك ڕەنگە ڕووتەكانی تریفە و گیا
                                                            لە نێو ڕۆحی یەكتریدا خەوتبووین
                                                            وەك ڕەگەكانی درەخت و خاك … !
                                                                                                     
                                                                                         
                                                                    هەولێر – كوردستان 2007   
                                                                  
nala_hassan@yahoo.ca
 

Previous
Next

Leave a Reply