Skip to Content

Saturday, September 26th, 2020

ئاوێزه‌ى فەلەستینى…

Be First!
by October 12, 2008 ئەدەب

 
 لە ده‌قەكانى محەمەد ماغووت
  و. عەبدولڕه‌حمان فەرهادى
  ئاوێزه‌ى  فەلەستینى

 
 شمشێر لە دیمەشقpaint_793864191.jpg
 گەردەن لە لوبنان
 دۆڕان لە فەلەستین
 پرسەو گریان لە ئێران
 برسێتى لە سوودان
 یارمەتیدان لە سعوودیە
 وشكەساڵى لە یەمەن
 چاوپیسى لە ئوردون
 بەهار لە غوتەو
 پایز لە قاسیوون
 دەهۆڵ لە حسرتا
 بووك لە دۆما
 سەردەمى پاڵەوانى و دروشمان بەسەرچوو
 سەردەمى خیانەت و بیانووهێنانەوە هاتەگۆڕىَ
 لەگەڵ هەندێش پێكەنینى منداڵ و خوێندنى باڵندان
 بە سەندووقان شانەوشان لەوىَ بۆ وىَ دەگوازرێنەوە
 وەك چۆن پێداویستیى راووشكارو رازاندنەوە
 بۆ پێشبڕكێى پادشاو میران دەگوازرێتەوە.
 
 قەره‌ج
 
 مەزنترین نووسەرو شاعیرو مێژوونووس و هونەرمەندو تێكۆشەران
 لە گیڤاراوە
 بۆ لۆركا
 بۆ گۆیا
 بۆ هەمەنگواى
 بۆ بتهۆڤن
 بۆ عومەرى خەیام
 نووسییان و وێنەیان كێشاو تێكۆشان و گۆرانییان بۆ قەرەج چڕى.
 گۆرانییان بۆ
 كەوەكانیان، خەتوخاڵیان،
 كەلوپەلى سیحرو ئەستێرەناسییان
 شێوازى لەخشتەبردن و فڕوفێڵیان
 چیاو دۆڵیان، كە لەكۆڵیانە
 هەورو باڵندەى بەدوایانەوەن
 لەگەڵ هەندىَ، هەنووكەش ماڵان دەبڕن و هاتوچۆ پەكدەخەن
 منداڵان لەسەر جادان دەڕفێنن
 بەڵانەكینىَ، قەرەجێك لەمنداڵیمەوە لەدەفتەرەكانى مندایە
 بۆ دزینى هەر پیت و وشەیەك تازووبەزوو
 
 
 
 
 بیباتە رەشماڵە دوورەكانى و بزانىَ تائێستاش
 لەسەر پەیمانى خۆمم و خیانەت لەدابونەریتە كەلەپوورەكانى
 نەوەكانى پێشووم ناكەم
 بەڕاشكاوى پێى دەڵێم سەربارى هەموو كۆسپە پێشبینى كراوەكان
 من دەزانم چۆن سەما بكەم و
 هەڵپەڕم و هەڵبەزودابەز بكەم و
 رابكەم و
 هەڵێم و
 بخشم و
 چێشت لێنێم و
 بسڕمەوەو
 بژەنم و
 بگریم و
 بەڵام نازانم چۆن خیانەت بكەم
 چونكى كاتم نییەو
 گێلێكى گەورەم
 
 سەرچاوە:
 ا ا محمد الماغوط، لبدوي الاحمر، دار المدى للثقافة والنشر، سورية، 2006
 
 
 

Previous
Next

Leave a Reply