ئاو له‌نمایشێكدا ده‌بێت به‌ئاوێنه‌

          
 پایز به‌جلێكی سۆری مه‌لوانی
 سه‌ری دره‌خته‌كانی ده‌شوشت   
 ئێواره‌ش تنۆك  تنۆك
 گه‌لایی به‌سه‌ردا ده‌توانده‌وه‌
 به‌رده‌كانیش به‌دزی ‌‌چنگیان له‌شه‌پۆلی ده‌ریا ده‌داو
 خۆیان برۆنزی ده‌كرد
 ده‌با برۆیشتبام
 له‌و به‌ر شه‌و ‌چاوه‌روانی بوتلێك شه‌رابی لێ ده‌كردم
 تا مه‌چه‌كه‌كانم گه‌رم كاته‌وه‌
 دوورگه‌یه‌كی گچكه‌هه‌یه‌
 هه‌ور له‌وێ خۆی ده‌شوات و
 جنۆكه‌ كراسی په‌مۆی بۆ ده‌چنێ
 وه‌رزێك بۆی گێرامه‌وه‌
 كه‌ له‌گه‌لم خه‌وت
 به‌یانی كه ‌ماچم كرد   

 ‌زه‌وی هێشتا خه‌والووبوو      

  دره‌خته‌كه‌ی ئه‌وبه‌ر          
 تاكه‌ گواره‌یه‌كی هه‌رمێ ی مابوو
 بۆی هاوێشت و    

   هه‌ڵنه‌ستا
 
 
 
  shwanhassan@hotmail.com