Skip to Content

Monday, September 21st, 2020

ئه‌ڵێن .. ئه‌نفال ….به‌ندی عه‌لی

Be First!
by January 17, 2008 ئەدەب

    
 ئه‌ڵێم،ئۆقیانووسێکی سوێر
له‌ئه‌سرین و فوغانی روح
شۆڕه‌بیه‌کی پیری که‌نه‌فت
چاوه‌ڕوانیی تارماییه‌کان
پیره‌مه‌گروونێک له‌حه‌سره‌ت
بیابانێک ڕق وکینه‌ی
هه‌میشه‌ داخ له‌ئاسمان و
پوشه‌خورمایه‌ک گله‌یی
له‌مانگه‌شه‌و
که‌نه‌یوێرا شایه‌تی بات
کۆڵه‌پشتی حوشترێکیش
سه‌برو ئومێد به‌هاتنه‌وه‌ی
هه‌ڵاڵه‌ دزراوه‌کان و
بن‌ ده‌وه‌نێکی دڕکاوی
له‌متمانه‌ به‌هاوسێکانی نیشتمان
شێره‌ به‌فرینه‌یه‌ک بڕواش
به‌پێغه‌مبه‌رانی خوداو
به‌کتێبه‌ پیرۆزه‌کان
هه‌ساره‌یه‌ک سه‌رزه‌نشتیش
له‌سه‌رکرده‌کانی گه‌ل و
ڕه‌هێڵه‌یه‌ک له‌تف باران
له‌سیاسه‌ت
دۆزه‌خێکیش له‌یادگاری
هه‌میشه‌ سه‌وز ..

 

Previous
Next

Leave a Reply