Skip to Content

Monday, November 30th, 2020

ئه‌ی پیاو … به‌ندی عه‌لی

Be First!
by September 6, 2012 هۆنراوە

 

 

که‌مێ هۆشت هه‌بێ

ئه‌ی پیاو

گه‌ر دره‌ختێکی به‌رزیش بی

بیرت نه‌چێ

له‌کانیاوی سنگی ژنێ

ئاودراوی

 

که‌مێ هۆشت هه‌بێ

ئه‌ی پیاو

ئاخر ئه‌م ژیانه‌ بێ ژن

چیتر نیه‌ ، غه‌یری عه‌ده‌م

غه‌یری تونێلێکی دۆزه‌خ

غه‌یری خه‌یاڵێکی کرچی

ئه‌ودیو یاڵه‌کانی سروشت

 

که‌مێ هۆشت هه‌بێ

ئه‌ی پیاو

بوون .. فڕینه‌ به‌ئاسمانی

زینده‌گیدا

ئه‌و مه‌له‌ی باڵێکی بشکێ

له‌زیندانی قه‌فه‌زێکدا

هه‌ڵده‌کوڕمێ و

دوا چریکه‌کانی ته‌مه‌نی

بۆ خه‌ونی ئازادی ده‌چڕێ

چ گه‌مژه‌یه‌تیه‌که‌ ئه‌ی پیاو

باس له‌هێزی باڵێک بکه‌ی

 

که‌مێ هۆشت هه‌بێ

ئه‌ی پیاو

که‌خۆت ده‌رئه‌نجامی عیشقی

که‌خۆت له‌ژوانی گوڵ و

هه‌ڵاڵه‌یه‌ک ، بووی به‌میوه‌

باخی گوڵان

بۆ شه‌ڵاڵی خوێن ده‌که‌یت و

ده‌ستی چڵکنی شه‌ره‌فت

به‌خوناوی گڵ ئه‌شۆری

که‌مێ شه‌رمت هه‌بێ ئه‌ی پیاو 

به‌ندی عه‌لی 
.. 2012

Previous
Next

Leave a Reply