Skip to Content

Friday, March 29th, 2024
ئێستا درەنگە …..؟ شه مال عادل سليم

ئێستا درەنگە …..؟ شه مال عادل سليم

Closed
by January 10, 2013 ئەدەب

 

 

 

 

 بەرلەوەی ماڵئاوایم لێ بکا …

بەشەرمەوە بەگوێی چرپاندم و گوتی ،

ئێستا درەنگە ….

درەنگە ..

ناوەختە بۆگێرانەوەی ئەفسانەی باران …

کاتی حیکایەتەکان بەسەرچوون ….

ئۆف …ئۆف …ئۆف …

منیش هەروەک جاران مناڵانە لەپێشی راوەستام و گوتم :

ئەی گوڵە ژن …

من ناتوانم پاکانە لە خۆشەویستیت بکەم ،و

باران ئاسا خۆم رووت کەمەوەو دان بەگووناهباری خۆم بنێم …!!

کەی خۆشەویستی درەنگ و زووی زانیوە ..؟

ئەی ئەوە نیە عەیامێکە دڵی شێتم  بە ماچی لێوەکانت مەستە …

ئەی ئەوە نییە هەمووشەوێ مناڵانە لێوم بە گۆپکەی جووتێک هەناری سینەتەوە نەنێیم خەو نامباتەوە …

نا …

نا …بۆ مناڵێکی وەک من 

ئێستا وەختە…

ئەی بارانی میهرەبان تر  لە یەزدان ….

وەرەو 

توند دەستم بگرەو لەگەڵ خۆت بمبە …

ئاوایە ….

ئاوایە شێت ….

کەی گوێی بە شەپۆڵی گریان و گڕکانی بێ ئامان داوە شێت ؟

کەی لە تیغی چەقۆ ترساوە شێت ؟ 

ئێ من ئەوکاتیش هەر تاقوتەنیا بووم ……!!

سوێندە بەوماچانەی هەتائێستاش بۆ سێبووریم لەژێر سەرمەوەن 

بۆ مژێکی ئەفسوناوی لێوەکانت دڵ لەسەردەست و 

هەرپێ کوڕەکەی جارانم 

وەرە بمگرەوە ئامێزت 

وەرە چاوەڕوانتم ….

ئەی هاوسەفەرە بەخەم مەستەکەم  ….

 

شه مال عادل سليم 

www.shamal.dk

 

Previous
Next
This site is registered on wpml.org as a development site.