Skip to Content

Saturday, September 19th, 2020

ئەلبومى خۆڵەمێش

Be First!
by August 13, 2008 هۆنراوە

   ئەلبومى خۆڵەمێش    
    ئارام حەسەن
 لەوێندەرآ…
 لەو، دوورەوە،
 نم نم دەڕژێیتە بیناییم و
 نەرم نەرم خەونت رادەكێشم..
 ئەى ئەو ژنەى:
 بە نەغمەى پەروانەوە هاتیى،
 ویستت لە ئاگردانێكى پەرێشاندا،
 ببى بە پەلكەزێڕینەو
 باڵەكانت بدۆزییەوە..
 بە رەنگەكانى گڕەوە،
 پێت نایە نێو شارەكەى من!
 لەگەڵ رەشەبادا وێنەت گرت و
 لە ئەلبومى خۆڵەمێشدا
  گەشایتەوە..
 بە بریسكەى سەهۆڵەوە دەركەوتیى،
 كەچى بە ملى قولاپێكەوە
  جێتهێشتم و،
 ئەرشیفى سوتانت رازانـــــــــــــــــــــــــــەوە…….
 
 

Previous
Next

Leave a Reply