Skip to Content

Saturday, September 19th, 2020

ئەم دوو چڵ ڕێحانەی ژیان ە ، تا كەنگێ بۆنیان دێت ؟!

Be First!
by June 1, 2008 ئەدەب

   بەرزان هەستیار…….     

 لە هەر جێیەك هەڵێ خورشیدی عیشقی گوڵ ڕوخان  " مەحوی "
 ئەگەر عەقڵی ببێ ، لەو جێگە ئاونگی عەقڵ چبكا ؟!
        " مەحوی "
 
 
  لە ناكاو ، خۆم ئەدەم بە شووشەی باڵەخانەكەی مردنا و 
 ئەو درزێكیش ناكەوێتە نێوچەوانی و
 من وەك بێچووە كەنارییەكی ماندوو….
 بە باڵی شكاوەوە بەرئەبمەوە سەر زەوی ،
 فوو ئەكەم لە كڵپەی وەحشەت و
 ئەو  ، مێشێك نابێتە میوانی و
 من ، زیاتر ، بڵێسەی تەنیایی
 تاریكییم تیا هەڵئەكات ،
 لەگەڵ گۆڕ لە یەكدی ورد ئەبینەوە و
 من هیچی لێ حاسڵ ناكەم و
 ئەو ، لە خۆم بەڵەدتر ،
 پیاسە بە كووچەكانی خەیاڵما ئەكات ؛
 بە خۆم ئەڵێم ، با هەموو شتێك وەلا نێین
 خۆمان تەیار كەین و
 گالیسكەیەكیش ئامادە ،
 دەرفەت بە ساتەكان نەدەین ….
 بە پێ دزكێ و بەبێ  شەكرەبەفری ڕامووسان ،….
  بە بەر چاومانا ڕەت بن و
 پاشانیش پێمان بڵێن خۆتان گەمژە بوون
 وەرە ، بەیانیان ژێر سەرینی ئەو شۆڕەژنانە بگەڕێین
 كە " ستیان " ، پڕی كردوون لە بۆنی مێخەكی مەمك
 نوێنەكانیشیان  ، كانیی بخووردی ئاهە شێدارەكانی شەو ؛
 وەختێتی ، ئێمەش ژێر بالیفەكانمان خاڵیی كەین لە چەقۆ….
 تا شەیتان بە كەیفی خۆی زەفەرمان پێ بەرێت
 چەند خۆشن ،…
  ئەو شەڕە ساردانەی شەیتان ، بۆ گەرمبوونەوە ،
 چەند بەدبەختە ،…
  ئەوەی " ئاشتیی "یەكی مۆن نەگۆأێتەوە …..
 بە شەأێكی دەستەویەخەی  لێو زێأین
  ******
 شەپۆل لە كوێوە سنگ  دەرپەڕێنێت
 بە سوپایەكی سەرچڵی پڕ تفاقەوە پێشی لێ ئەگرم و
 شەیپووری جەنگ ،…..
  ئەبێت لەسەر خاكی نیشتیمانەكەی منەوە بەرز بێتەوە ؛
 سەرشۆڕییە ، سەراپات لە شەڕێكا سوور نەبێت
 كە" غەدر " سەنگەری تیا لە " بەرائەت " گرتبێت ،
 شەرمەزارییە ، بەردەوام ئەسپێكی شەل بم و
  سوارەكەم لە پێشبڕكێدا نائومێد كەم
 چەند شوورەییە بارانێكی لووت بەرز بم و
 دوعای بیابانێك ئاوێنەی غرورم نەڕووشێنێت
 درەختێكی قەرسیلیی بم و
 لە ئێوارەیەكی هەڵلەرزیوا ….
 خۆم لە بێ داڵدەیی باڵندەكان نەبان كەم
              
   *******
 ئەم دوو بست تەمەنە بەشی چی تر ئەكات ،  تیا شین بێت ّ!؟
 ئەم دوو چڵ ڕێحانەی " ژیان " بەرگەی چی تر ئەگرن ّ!؟
 چیم ماوە ، ئەیبەخشم بە عیشقێك ،….
 كوێرانە خۆی بكات بە كۆشی ژنێكی تەنیادا و
 مەستانە ، قردێلەی ….
 پێشانگەی سەمایەكی باڵگرتووی بۆ بقرتێنێت ؛
 خۆی بكات بە ژووری  نسرمی كچێكی قەیرەدا و
 یەك پارچە ماڵەكەی بۆ پأ كات لە گوڵ ئەستێرەی قسەی خۆش ،
 پەرداخی شەرابی ….
 بە وردە سەهۆڵی ماچێكی حەرامی ڕاونراو بۆ سارد كات
 ئەم دوو بست تەمەنە بەشی چی تیا ماوە ّ!
 ئەم دوو چڵ ڕێحانەی " ژیان " ە
 بۆنیان تا كوێ ئەڕوات  ّ!
 تا كەنگێ بۆنیان دێت !؟؟
 
  
          شوبات و مارت ومایسی           2008     
          ئەڵمانیا/ كۆلن
 
bhastiar@yahoo.de
 
 
 
 
 

Previous
Next

Leave a Reply