به‌هار… عه‌لی حه‌مه‌ڕه‌شید به‌رزنجی
Closed
مــــــــنداڵینه به‌هــــــاره
وه‌رزی گــــــوڵ وگـــوڵزاره
كاتی گه‌شت وســــــه‌یرانه
له‌م كوردســـــــتانه جوانه
ڕوو بكــــــــه‌یته هه‌ر لایه
خــــــــۆشترین سه‌یرانگایه
په‌پوولــــه وگوڵ و منداڵ
بۆ ئه‌م وه‌رزه خۆشه‌ی ساڵ
هاوڕێ و هـــاوڕازی یه‌كن
هه‌رسێكیان له یه‌ك ده‌چن
له باخدا په‌پووله و گوڵ
خۆشی ده‌به‌خشـــن به دڵ
مـــــــنداڵیش له ناو ماڵا
له گشـــــت وه‌رزێكی ساڵا
هۆی شـادی و خۆشی ژینن
ســـــه‌رچاوه‌ی پێكه‌نینن
بۆ ئاشـــتی و شـــادمانی
كــــه‌وتوونه‌ته گـــۆرانی
