Skip to Content

Monday, November 30th, 2020

بوچی ل بادینان! … عبدالرحمن بامه‌رنی

Be First!

 

     دنڤیسینه‌كا خو دا كو به‌ری چه‌ند هه‌یڤان من ل كوڤارا مه‌تین به‌لاڤ كریه‌، ئه‌وا لبن ناڤێ‌ (گومانا دناڤبه‌را روژنامه‌گه‌ریێ‌ وه‌رگری دا، پارێزگه‌ها دهوكێ‌ وه‌ك نمونه‌). من ئاماژه‌ ب مه‌ندبونه‌كێ‌ دایه‌ و نه‌ دویره‌ په‌قینا وێ‌ دێ‌ یا چاوا بیت و كه‌نگی و ل چ ده‌م!. ئه‌ڤ خوپیشاندانا ل زاخو ژی بناڤێ‌ ئاینی و سوتنا جهێ‌ مه‌ساجی و پاشی كێش كریه‌ جهێن فروتنا مه‌ی و ئه‌و گازینویێن مه‌ی تێدا دهێته‌ ڤه‌خارن، ژبلی زاخو ژی سه‌رچه‌قێن وێ‌ گه‌هشتینه‌ سێمێل و زاویته‌ و دێرالوك چه‌ند باره‌گایێن یه‌كگرتو ژی هاتینه‌ سوتن، هه‌ر جوره‌كێ‌ وێ‌ مه‌ترسیێ‌ بوینه‌ كو من بابه‌تێ‌ ڤه‌كولینا خوه‌ ژبو ته‌رخانكری. ئه‌گه‌ر دویر ژ كوژیێ‌ تومه‌ت كرنا ئێك دوو،  ژلایێ‌ پارتی و یه‌كگرتوڤه‌ ل بابه‌تی بنێرین ژی، ئه‌ڤ خوپیشاندانا هه‌ زه‌نگه‌كا بره‌نگه‌كێ‌ دی یه‌ و ژ مه‌ترسییا هه‌بونا ڤالاتیه‌كێ‌، ئه‌و زه‌نگه‌ لێدده‌ت. ده‌ما ڤالاتی ژی په‌یدا بو، ده‌ستێن ده‌ره‌كی كێش دكه‌نه‌ دناڤ دا و به‌رژه‌وه‌ندیێن سیاسی ژ هه‌می ئالیه‌كی ڤه‌ زال دبن، دگه‌ل تێكچوونا پێش وه‌ختا بارودوخێ‌ خه‌لكی، ڤێجا چ ئه‌و خه‌لكێ‌ هه‌، ژ ده‌رونێ‌ خوه‌، ژ مالا خوه‌، ژ جاددێ‌، ژ ده‌ستهه‌لاتێ‌، ژ گرانی و بێكاری و نه‌ ئارامییا خوه‌ تێدا دبینیت، یان خوه‌ هه‌ڤبه‌ر دكه‌ت دگه‌ل جڤاكێن دی و كومه‌لگه‌هێن دی، بتایبه‌تی ئه‌گه‌ر ده‌ردورێن وی دهاریكار نه‌بن، رێكخراوێن جڤاكێ‌ مه‌ده‌نی بكارێ‌ خوه‌ یێ‌ ئه‌كتیڤ نه‌ رابن، روژنامه‌گه‌ری نه‌شێت حه‌زێن وان تێر بكه‌ت، ده‌نگێ‌ نه‌ رازیبونێ‌ جاددێ‌ تژی بكه‌ت و كه‌س نه‌بیت رێنمایان بو وی ده‌نگی یان شروڤه‌كرنێن پێدڤی، بو وێ‌ نه‌رازیبونێ‌ بدانیت، دێ‌ بینی كێشمه‌كێشێن خه‌لكی په‌نگیانه‌ سه‌ر ئێك و دگه‌ل په‌قینێ‌ ژی، كه‌س نه‌شێت خوه‌ لبه‌ر بگریت یان سنوره‌كی بو زیانێن وان پاشماوه‌یان ب دانیت. ئه‌م دێ‌ دشاش بین ژی ئه‌گه‌ر ڤان رویدانا پالده‌ینه‌ كه‌س و لایه‌نان یان ئه‌و ئایدولوژیه‌تا خه‌لك پێ‌ هزر دكه‌ت، ئه‌ڤا دروست بوی، ئایدولوژیه‌كا مه‌ترسیداره‌ كو ئاین و مه‌نتقی پێكڤه‌ گرێدده‌ت و دگه‌ل خوه‌ دا ئاگره‌كه‌ ئازادیێ‌ و پێكڤه‌ ژیانێ‌ دسوژینیت. ئه‌ڤا ل بادینان رویدای، ڤێجا چ ژ ئه‌گه‌رێ‌ ئاینی بیت یان ژی سیاسه‌تێ‌، زه‌نگه‌كه‌ بو پێداچونه‌ڤه‌یێ‌، دناڤ وان ئایدولوژیه‌تێن رژیایی و وێ‌ به‌ره‌للایا ئه‌ڤ ئایدولوژیه‌تێن هه‌ گڤاشتینه‌ سه‌ر ئێك، زه‌نگه‌كه‌ بو نه‌هێلانا گومانێ‌ و ئه‌و ڤالاتییا هه‌ی، دناڤبه‌را خه‌لكی و خه‌لكی بخوه‌ دا، دناڤبه‌را خه‌لكی و ئاینی دا و دناڤبه‌را خه‌لكی و ده‌ستهه‌لاتێ‌ دا. تا كه‌ رێكا ئه‌ڤرو ل به‌ر سینگا مه‌ ژی بو دوباره‌نه‌بونا ڤان رویدانان، پێداچوونا یان نه‌هێلانا ڤان گومانایه‌ و ده‌رێژكرنا ئه‌و مه‌ندبونا هه‌ی! ئه‌گه‌ر ئه‌ڤرو بناڤێ‌ ئاینی هنده‌ك ژێ هاتبیته‌ ده‌رێژكرن، دبیت، سوبه‌هی بناڤه‌ك دی و ئایدولوژیه‌ك جوداتر، ئاكامێن خرابتر هه‌بن و ئه‌و سیمایێ‌ ئارامی و ته‌ناهی و پێكڤه‌ ژیانا ده‌ڤه‌رێ‌ بخو ڤه‌ گرتی، دبیت بهێته‌ شێلی كرن و ره‌نگه‌ هینگێ‌، ده‌رئه‌نجام دخرابكارانه‌ تربن.

Previous
Next

Leave a Reply