Skip to Content

Saturday, September 26th, 2020

بۆ ئەوانەی لە عەشق دان …وەرگێڕانی لە ئینگلیزییەوە : ناڵە حەسەن

Be First!
by January 8, 2008 ئەدەب

 گۆرانی عەشق
 
 وەرە لەگەڵ مندا پیاسە بكە
 وەك كازیوە پایزییەكان
 یان وەك ئەو ڕەنگە سوورە قورمزییەی
 ئاسمانی داگرتووە و
 ڕێگاكانی بە سێبەر داپۆشیوە
 من و تۆ ,
 دەتوانین ڕێبكەین و خەون ببینین .
 
 یان لە سەرووی هەندێك لە بای خەرەندان
 كە بەسەر دەریاكان دا ڕەت دەبن
 وەرە لەگەڵ مندا بڕِوانە
 وەك لاساری ئەو شەپۆڵانەی
 كە دەڕژێنە سەر لمەكان
 وەرە دەستت بێنە و ئازیزم
 لێم نزیك بەرەوە .
 
 یان وەك دوا تیشكەكانی خۆرەتاو
 كە دوور دەكەونەوە
 یان وەك ئەو ئێوارەیەی كە لە نێو شەودا دەتوێتەوە و
 شەو بێدار دەكاتەوە
 لە ژێر ئەو ئەستێرانەی لە كەناران دەبریسكێنەوە
 ئینجا ماچم بكە , ئازیزم
 دەی دیسان , جارێكی تریش
 
 لە نێو ئامێزت توند ڕامبگرە
 ئەو دەمەی گۆرانیەكانم دەچڕم
 من دەمزانی خەونەكانم دێنەدی
 دەبمە هی تۆ . 
 
 Katherine Nelson Davis                                                  
 
 
                                                                 
 حەوتی بەیانی
 
 یەكەم جار كە تۆ
 سیمای منت بینی لە بەیانیەكی زوودا
 تێشكاو و لۆچگرتوو و بسك ئالۆز بوو
 من وامزانی , تازە هەموو شتێك بەسەر چووە
 بەڵام پاش ئەوەی كە تۆ
 بە نەرمی ماچت كردم , وەك خۆرەتاو لە نێو تەم دا
 ئینجا زانیم ,
 كە هەموو شتەكان تازە دەستیان پێكردووە  .
 
        Kenneth Holt                                                                        
 عەشق
 
 تیشكی خۆرە ,
 سەما دەكا لە نێو دڵ دا
 قسە دەكا لە بێدەنگی دا
 خۆشی سەرە پەنجەكانی تۆیە
 دۆزینەوە و بەخشینە لە نهێنیە دڵتەڕەكان
 ڕۆشنایی ئەستێرەیە ,
  دەدرەوشێتەوە لە بیردا
 زەردەخەنەیەكە لە سەر ڕۆحی تۆدا .
 
 Barbara Plump                                                                  
 
 
 ماڵی شیعر
 
 لەو شوێنەی عەشق ماڵێك دەدۆزێتەوە
 كە شتەكان جوانن 
 وەك ڕۆینە سەربان پێكەوە
 وەك چوونە خوارەوە بە تەنیا و بە پێخاوسی لە شەودا
 بۆ پرسیار كردن لە قوفل
 وەك ڕوانینە ئاو و هەوا
 باران لە پەنجەرەكان دەدا
 بەفر بە شووشوكانەوە دەڵكێ
 با گۆرانی دەڵێ
 ( عەشق ئەوكاتە جوانە كە باران دەبارێت )
 وەك ئەوەی لە بەرامبەر یەكتری دانیشتبین و
 یەكتری جێنەهێلین
 وەك ئەوەی لە بەیانیان لە نێو جێگاكەمان نەیەینەدەرێ و
  وون نەبین
 ( جگە لەو كاتانەی لەگەڵ نەرمە گریانی كاتژمێردا )
 وەك ئەوەی ئەم گوارەكانی ئەوی دۆزیبێتەوە
 وەك ئەوەی ئەویش گۆرەوییەكانی ئەوی دۆزیبێتەوە
 بە تەواوی تێك ئاڵابن لە نێو چەند دیوارێك دا
 زایەڵەی   ژووری خەوتنیشیان  گەیشتبێتە هۆڵەكان … !
 
 Maxine Lewis                                                                            
 
 
    
  سەرچاوە :    The Joy of marriage       
 Poems for people in love                                      
 Selected by : Barbara Kunz Loots                        
 
                                                                   
 

Previous
Next

Leave a Reply