Skip to Content

Wednesday, October 28th, 2020

بۆ به‌نازه‌ بێ نازه‌که‌م …. جه‌بار سابیر قادر

Be First!
by September 13, 2011 ئەدەب

 


له‌ وڵاتی بێ نازیم دا
بریارم دا
کۆتایی به‌ به‌ناز بێنم
چیم له‌ ده‌ست هات
 ته‌نها ئه‌وه‌نده‌
ئاگر له‌ جه‌سته‌ی خۆم به‌رده‌م
جه‌سته‌ی (به‌ناز) بسووتێنم
 
بارگه‌ی بێ نازیم له‌ کۆڵ نا
بۆ شاری بێ نازان رێم کرد..
جه‌سته‌یه‌کی پڕ له‌ ئاوات
هه‌ر به‌ لاوی
به‌ سۆتماکی
وه‌ک و جوانترین دیاری
گڵکۆیه‌کم
پێشکه‌ش  به‌ دایکی
ووڵات کرد

ناز بۆ ئێمه‌ی هه‌‌ژار نیه‌
ته‌نها
ئارامگای یه‌ک جاری
دایکمانه‌
گڵ و خۆڵی گڵکۆیه‌که‌م
بۆ چاوی پڕ حه‌سره‌ت و ئاوات
هه‌ر هه‌توانه
هه‌ر هه‌توانه‌

با پیرۆز بێ
ژینی پڕ له‌ ئاسوده‌یی
کۆشک و ته‌لار
بۆ کوڕ و کچی
گه‌وره‌کان 
ده‌سه‌ڵات دار
ده‌وڵه‌مه‌ند و سه‌رمایه‌دار

ئێمه‌ی هه‌ژار
بۆ کوڕه‌کان سه‌رهه‌ڵگرتن
بۆ هه‌نده‌ران
یان چه‌ک داری و کرێکاری
یان سووڕانه‌وه‌ی
بێ کاری

بۆ کچانیش
یان مه‌ینه‌تی
یان بێ به‌ش له‌ خۆشی ژیان
یان گڵکۆیه‌کی سارد و سڕ
یا رازاندنه‌وه‌ی مێزی وان
                  

هه‌ولێر 12/09/2011

     جه‌بار سابیر قادر 

Previous
Next

Leave a Reply