Skip to Content

Friday, October 23rd, 2020

بۆ رۆحی سێ ژنە شۆڕشگێرە تیرۆرکراوەکانی پاریس

Be First!
by January 14, 2013 ئەدەب

 

 

 

١

ئەگەر من سەرۆک شارەوانی پاریس بم

سێ پەیکەر دروست دەکەم

سێ پەیکەری گەورە

لە تەنیشت بورجی ( ئیڤل )

هەموو سالێک ،

دەچمە ( قەندیل) چاوەکانم بە بەفری

ئەوێ دەشۆم

سێ تاجە گوڵینەی بەژن و باڵا ناسکی بەر شه‌ونمی

بەرەبەیانی ( ئامەد )

لەگەل خۆمدا دەهێنم

لە بەردەمیان دادەنێم و

سەردادەنوێنم

 

٢

هەموو رۆژێک ، بەر لە هەڵاتنی 

تیشکی رۆژ 

دەچمەوە بەردەمیان ،پڕ بەدەم هاوار دەکەم 

ئازار ، ئازار 

ئازار ، ئازار ، ئازاری رۆحم 

لە حزووری ئەوان ئەخەمە نێو ئینجانەی دەستەکانیان 

 

٣

نزا دەکەم ، هەموو ساتێ 

لە دوورەوە ، دێم 

له‌ته‌ک ماته‌مینی ئێرە  مشتێ له‌ ئازاره‌کانی ئێره‌ش له‌گه‌ل خۆما ده‌هێنم 

هەر ئەو ئێوارەییە بوو 

نوکی قەلەمەکەم شین و 

پەنجەکانم رەشپۆش ، کاغەزەکەی بەردەمم 

دایە قیژە و 

پڕ بە هاواری  چاوەکانم دەگریا 

هەمان ئێوارە ، یاقووت شکا

ده‌ریا گریا

ئاسمان له‌ ترسا

بارگه‌ی تێکناو و

یه‌خه‌ی خۆی دادڕی له‌ هه‌ژمه‌تا

 

سیروان خۆشناو 

شەقلاوە 

Previous
Next

Leave a Reply