Skip to Content

Friday, March 29th, 2024
بیرت نه‌چێ‌..!!…… عیسا خدر

بیرت نه‌چێ‌..!!…… عیسا خدر

Closed
by July 1, 2009 ئەدەب

 

ئه‌گه‌ر هاتم  
نمه‌ی باران ته‌ڕی كردم
چه‌ترێك مه‌گره‌ به‌ده‌سته‌وه‌
لێ‌ گه‌رێ‌..!
با باران گوناهه‌كانم بشواته‌وه‌
زۆر له‌ مێژه‌ به‌هۆی تۆوه‌..!!
ئه‌شكه‌نجه‌ی خودا
ده‌چێژم.
بیرت نه‌چێ‌!
ئه‌ی بێ‌ میهره‌ دۆڕاوه‌كه‌م!
له‌ بیری خۆتم به‌ره‌وه‌
پاساوی به‌ دۆزه‌خ نه‌بوونت چییه‌؟!
شه‌كه‌ت بووم..
هێنده‌ی له‌ ئاوێنه‌ بڕوانم و
سه‌مای گه‌ڕانه‌وه‌ بكه‌م.
گه‌ره‌كمه‌ دوای ته‌ڕبوونم
دوو شه‌ممه‌یه‌ك…
سه‌فه‌ر بكه‌م
به‌ره‌و دوا وێستگه‌ی فه‌نا بوون
كه‌چی ده‌ترسم…
له‌ فارگۆنێك لێت بڕوانم
مێژووی ژیانم بیرچێته‌وه‌و
جارێكی تر..
ئامێزم بۆ بكه‌یته‌وه‌
ئامێزت بۆ بكه‌مه‌وه‌.

 

Previous
Next
This site is registered on wpml.org as a development site.