Skip to Content

Friday, March 29th, 2024
بە تەما نەبووم .. ! ….   نەوزاد بەندى

بە تەما نەبووم .. ! …. نەوزاد بەندى

Closed

 

 

 

 

 

-1-

بە تەما نەبووم بڕۆمە تەمەنەوە ..

بڕوانن ،

هێشتا تۆپى پێنج بەردى لە گیرفانمایە ..

هێشتا وێنەى

جۆلیانۆ جیما و

ترنتى لە چەکمەجەى مێزەکەمدایە ..

هێشتا پێنج فلسى لە گیرفانمایە ..

بە تەما نەبووم بڕۆمە تەمەنەوە ،

بڕوانن ،

هێشتا سروودى ئەى تۆپەکە و

پەپولەى جوان

پەپولەى جوانى کوردستان ،

لێوەکانمى بەجێنەهێشتوە ..

هێشتا جلى جەژن ،

لە ژێر سەرینەکەمدایە ..

هێشتا شەتڵى شۆرباى نەعنا بە ترشى ،

لە دێراوەکانى ژێر زمانمایە 

 

-2-

بە تەما نەبووم بەجێم بێڵى ،

هێشتا دوو سێڤن ئەپ ،

لە سەلاجەکەما جاوەڕوانن ..

هێشتا دوو ئاوى حەیات ..

دوو چەتاڵ و

شەش حەوت گێلاس و

شلیک ،

چاوەڕوانى خواردنن و

نەخوراون ..

هەموویان کەڕوو تێى داون ..

بە تەما نەبووم بەجێم بێڵى ..

 

-3-

بە تەما نەبووم دابەزم ،

شۆفێرەکە وتى :

تەواو ..

دوا وێستگەیە .. دابەزە ..

( هێشتا نەگەیشتبومە ئەو شوێنەى

تیایدا ڕێز لە شیعر ئەگیرێ ..

تیایدا شیعر حوکم ئەکا .. )

بە تەما نەبووم دابەزم ..

 

-4-

بە تەما نەبووم خوێندن تەواو بێ ..

نیوەڕۆیەکیان ،

لە هۆڵێکى تاقیکردنەوە هاتمە دەرەوە ..

ئیتر دەرگاى زانکۆیان بە دوادا داخستم ..

چەند لە دەرگام دا ،

نەیانکردەوە ..

ئیتر چووم بۆ بازاڕ ..

ئیتر بوم بە دوکاندار ..

 

 

Previous
Next
This site is registered on wpml.org as a development site.