Skip to Content

Thursday, March 28th, 2024
تاوان……….داستان غه‌مناک

تاوان……….داستان غه‌مناک

Closed
by May 12, 2008 گشتی

 بۆ بە تاوانم دەسپێرى و
 ڕەوانەى مەملەكەتى بىَ هودەى و
 نیشتمانى گریانم دەكەى
 خۆمن لەمێژە ڕاڤەى گریانم كردووە و
 زۆر شەوانیش
 لە قوڵایى تەنیایەوە
 گەیشتومەتە وەرزى خۆكوشتن
 وەرە بەر لەوەى بمرم
 بەرلەوەى ڕێگاكانى سەرابم پىَ ببڕى
 بۆ دوا دیدار ئاوڕێك لە بوون بەرەوە و
  بڕوانە چەند كەسیر
 لە بەردەم ڕەشەباى دۆزەخدا
 چاوەكانى پڕبوون لە تەپ و تۆزى مردن و
 ملى ڕێگەى گرتووە بەرەو مەنفا…
 وەرە بەر لەوەى بمرم
 بە نێو دیرۆكمدا گەشتێك بكە
 ئەوسا دەزانى من ئۆقیانوسێكم لە ئازار و
 ئاسمانێكى سەرتاپا لێڵ و
 كانییەكى وشك هەڵاتووى بیابانم
 وەرە بەرلەوەى بمرم
 لەنیگاى چاوەڕوانیمەوە
 نهێنی عەشقێكى ناكام و
 ژیانێكى پڕ بێئۆقرەى بخوێنەوە
 ئاى..لە دڕەندەیى تۆ !!
 ئاى..لە تاوانى ژیان!!
 تۆ هێشتا نازانى
                   من كێم ؟
                         لەكوێوە هاتووم ؟
                                                چیم پێیە؟
 بە بینینم شێت دەبیت و
 بەشمشێرى ئایدیا ڕزیوەكان سەرم دەبڕى
 تۆ ناتەوىَ بمخوێنیتەوە و لێم تێبگەى
 كەچى بىَ باكانە لاپەڕەى  تەمەنم دەسوتێنى و
 بەر نەعلەتى شەیتانم ئەدەى
 توَ كە لە مۆسیقا  ناگەیت و
 پێت شەرەمە سەما بكەیت بۆ سپێدە و
 هیچ كام لە شەوەكانى خۆت نا بەخشیتە گریان
 چۆن دەتوانى ڕەش لە سپى جیاكەیتەوە و
 فێربیت لەگەڵ دارچنار پێبكەنیت و
 دروود بۆ ڕۆحى ئەستێرەى كوژراوى شەو بنێریت
 تۆ كە نازانى پەپولە بۆچى دەسوتىَ و
 كۆڕستان بۆ بىَ دەنگە و
 شار لە بەرچى خامۆش
 ئیدى چۆن دەتوانى پەى بە جوانى بوون بەریت و
 لە نێو دێرێكى *(بێكەس)دا بتوێیتەوە
 تۆ بۆچى تاوانبارم دەكەى 
 من ئێستاش لە ماناى تاوان نەگەیشتووم
 چۆن دەمسپێرى بە تاوان
 ل ە ك ا ت ێ ك د ا
                         م  ن
                            ل  ە ت ا و ا ن 
                                           ب ىَ ب ە ر ی م
 
 

Previous
Next
This site is registered on wpml.org as a development site.