Skip to Content

Thursday, March 28th, 2024
ته‌ڕبوونی سكاڵا… یوسف خه‌لیل

ته‌ڕبوونی سكاڵا… یوسف خه‌لیل

Closed
by August 25, 2012 ئەدەب

 

 

به‌ به‌ركوڵكردنی ئێستا وبێباكبوونم له‌ ئارادا

رێمگرته‌به‌ر..

به‌ره‌و پانتایی وسه‌رچۆپیگر..

له‌ زه‌ماوه‌ندی مانگه‌شه‌و

ته‌نیا نه‌بووم

به‌ڵام كه‌سیش نه‌بوو ته‌نها فرمێسكێكم بۆ بسڕێ

شه‌ماڵ..زه‌رده‌یه‌كی له‌سه‌ر رووخسارم

كرده‌ تابلۆیه‌كی بێناونیشان

پاش شه‌و.. سه‌ره‌تا بوو

كه‌ڤاڵی خه‌ونێك..خه‌وی له‌ چاو ته‌ران

هه‌نسكی گریان

دڵمی كردبووه‌ ژیله‌مۆی رازێكی په‌نهان

به‌م چه‌ند په‌یڤه‌ت ..

بوومه‌ نه‌وره‌س و سه‌ر له‌ نوێ‌ ژییامه‌وه‌

(پاییزی عومرم

هه‌ورێك بێت له‌ چاو ئاسمانا

گریانێك بێت بێ كۆتا

سه‌مایه‌ك بێت له‌سووتانا)

ئێدی ده‌نگ نه‌ما هه‌مووی خنكا

بێئاگایی هێنا به‌سه‌رما

له‌گه‌ڵ لێدانی ترپه‌ی دڵدا

خۆت نمایش ده‌كه‌یت

ده‌ترسم له‌بری من

فه‌رامۆشكردن بێته‌ خه‌یاڵت

چه‌ند دڵ ره‌قیت..چۆن ده‌توانیت؟

ترپه‌ی دڵ فریوو بده‌یت

به‌نده‌ی دێوانه‌ له‌ بیر بكه‌یت

ئیدی ده‌نگت بووه‌ ئامێزێ‌ بۆ مه‌رگ

حه‌سره‌تت بووه‌ ژانێ‌ بۆ شه‌وه‌زه‌نگ

كاندێش ئاسا

له‌ ده‌روازه‌ی چ ده‌ركه‌یه‌ بده‌م ؟

كچی سپی

هه‌رچه‌ن دووربیت

وه‌ك ئه‌و عه‌شقه‌ی هه‌مه‌ بۆ ژیان

خۆشمده‌وێیت

له‌ نێو رۆحـــــما..

مه‌له‌ له‌گه‌ڵ فریشته‌دا ده‌كه‌یت

ئه‌ندێشه‌ فریوو ده‌ده‌یت

له‌ كه‌ڤاڵی نیشتمانی به‌فریشدا

منی شه‌یدا به‌ خۆر

نالوێ‌ و به‌سانایش ناتوێمه‌وه‌

 

 

 

Yousif_kazh@yahoo.com

 

Previous
Next
This site is registered on wpml.org as a development site.