حه‌زی سه‌فه‌ر …. عه‌لی حه‌مه‌ره‌شید به‌رزنجی
Closed
بۆ یه‌كه‌م جار به كلیلی زه‌رده‌خـــــــه‌نه به پێكه‌نین
ده‌رگای دڵمت خسته سه‌ر پشت بۆ به‌رنامه‌ی عه‌شق و ئه‌وین
بۆ په‌یبردن به كیشوه‌ری بێســـــــــنوری حه‌زو تاسه‌م
بۆ ناسین و ئاشنا بوون به گه‌رده‌لوولی هه‌ناســـــــــه‌م
بۆ چوونه ناو ده‌ریــــــای خۆزگه‌ی ناخی ده‌روونی به‌كوڵم
بۆ خوێندنه‌وه‌ی وشه‌كانی فه‌رهه‌نگه‌كه‌ی شــــــاری دڵم
پێم بڵێ بۆ به چرپه‌وه ئه‌و شتانه‌ت هه‌مــــــوو دركاند
له روبه‌ری دڵی مندا شــــــــــــا نه‌مامی حه‌زت رواند
كه ده‌تزانی بێباكـــــــــانه رێگای دووری ده‌گریته به‌ر
منت له بیر ده‌چێته‌وه له پێناوی حه‌زی ســـــــــه‌فه‌ر
