خێزان….عه‌لی حه‌مه‌ڕه‌شید به‌رزنجی

ئێمــه‌ ئێمـــه‌ خـــێزانین

به‌ یه‌كتره‌وه‌ جـــــــوانین

بابه‌ و دایه‌ی مــــیهره‌بان

هه‌ر وه‌كو خۆری گـــه‌ش وان

بارانی ســــۆز و ئـــه‌وین

گــوڵی خـه‌نده‌ و پێكـه‌نین

ئه‌وان ده‌یبه‌خــشــن پێمـان

بۆ خۆشی و شـــادی رێمــان

هه‌رچی یه‌كمان پێویست بـوو

بۆمـــان دابین ده‌كـــه‌ن زوو

خوشــك و براش له‌ خــــێزان

مــــاندوو ده‌بن وه‌ك ئه‌وان

له‌گه‌ڵ یه‌كدا هـــاوكـارین

خــــێزانێكی به‌خــتیارین

خـــۆشه‌ویستی و رێزگرتن

چـالاكانه‌ كـــار كـــــردن

مــــاندوو بوون و هــه‌وڵدان

دروشــــــــممانه‌ له‌ خێزان

***

alihamarashedbarznji@yahoo.com