Skip to Content

Thursday, October 29th, 2020

ده‌مه‌وێ‌ له‌دایك بم … یوسف خه‌لیل

Be First!
by February 29, 2012 هۆنراوە

 

كاتێ‌ مرۆ نۆش ده‌كا..هه‌ناسه‌ بێ سانسۆره‌كان
كه‌ په‌یوه‌ست بوون
به‌بوونی خوود فه‌رهه‌نگ ڕێژكا…!
هاوڕێ ئه‌توو نه‌بووی
ستاری بنه‌وشه‌و سیمای ئاسۆو
فریشته‌كانت
وه‌ك زه‌نگی سپێده‌ وه‌خه‌به‌ركرد
دڵی ته‌م و سۆزی گه‌داو
ئه‌ڤینی كات و ساتت
له‌نێو قۆزاغه‌ی ڕۆژه‌ نادیاره‌كان و
فه‌له‌كی سۆزانیه‌ هات و نه‌هاته‌كاندا
وه‌ك دووانه‌یه‌كی تاك جه‌سته‌
عاشق به‌یه‌ك ئاسا
له‌نێو خه‌زانێكی هه‌میشه‌ به‌هارا
ژیینی نوێمان به‌هه‌ردووكمان
بنیات ده‌نا
….
ئه‌مێستاش
له‌دووت ده‌گه‌ڕێم و نازانم نانا بۆ
ته‌مه‌ن خۆی كردۆته‌
مۆته‌كه‌ی ژه‌نگ و
پاییز و دییل و
ده‌سه‌پاچه‌ی خوا !
هێدی هێدی وه‌ك بارانێكی دووڕییان و
وه‌رزی بێ ناوونیشان
نمووی داستانه‌ تارماییه‌كان و
بێشه‌ڵانه‌
به‌وقووم و خوێن ئامێزه‌كان
بوونه‌ پۆشاك و
كرا به‌به‌ری ئاسۆداو
تاراندییانن
….
خه‌زانی دۆزه‌خیش
یه‌ك له‌دووای یه‌ك
وه‌ك كای ده‌م باو زامی بێ شومار
زه‌وی كرده‌ كۆیله‌و
زنجیره‌ چیاكانی به‌هاری
كرده‌ ئاوه‌ڕۆی كانیاوه‌كان و
هۆن هۆن
فرمێسكی قه‌تیس ماو
بێهووده‌و نامۆ
به‌ره‌و ده‌ریا ڕۆده‌چوو
باڕێژه‌ی ئاسمان ئاسا ڕه‌شیش
له‌نێو دۆزه‌خا
كه‌ژاوه‌ی مه‌رگیان تاوده‌داو
جه‌سته‌ی دڵداریش
ژیله‌مۆ ئاسا
هه‌ڵده‌پڕوكا
Yousif_kazh@yahoo.com

Previous
Next

Leave a Reply