Skip to Content

Friday, May 7th, 2021

دوور و نزیک … ڕێناس جاف

Be First!
by December 30, 2012 هۆنراوە

 

 

               من گیانێکی بێ سره‌وت و تۆش ڕۆحێکی سه‌رگه‌ردان

                من  زه‌ریایه‌کی  تووش و  تۆش خه‌یاڵێکی وێران

                من کائینێکی سه‌رشێت،تۆش ناخێکی په‌رێشان

              من وێڵی دوای چاره‌نووس،تۆش عه‌وداڵی نیشتمان

              من هه‌میشه‌ سه‌رکێش و تۆش هێور وه‌کوو ئینسان

             من  ناخێکی پڕ حه‌ز و تۆش حه‌زت هه‌ر کوردستان 

              من  سه‌وداسه‌ری عه‌شق و تۆش  عاشقی دڵداران

           من “شه‌م”ه‌که‌ی لای “وه‌لی” و تۆش “فه‌رهاد”ی “شیرین”خان

          من هه‌ر دوور دوور ڕێ ئه‌بڕم،تۆش ئه‌ڕۆی ڕوو له‌ یاران

                من ئه‌پسێنم گشت په‌تێک،تۆش له‌بن په‌تی داران.

 

ورده‌سه‌رنجێک: ئه‌م هۆنراوه‌یه‌ ئیشاره‌تێکه‌ بۆ سه‌ربرده‌ی دوو ئه‌وینداری ئه‌م سه‌رده‌مه‌ .کیژه‌کوردێکی سه‌رشێت و یاخی و هه‌ڵوه‌دای دوای چاره‌نووسێکی نادیار و کوڕه‌کوردێکی شه‌یدای مرۆڤاێتی و سه‌وداسه‌ری نیشتیمان .

 

                                                     تاران

                                           8ی به‌فرانباری 2712

Previous
Next

Leave a Reply