Skip to Content

Friday, January 15th, 2021

دوو شیعر بۆ مناڵان …. ئه‌مین محه‌مه‌د

Be First!

 

توتكه‌كه‌م

 

تــوتكه‌ گـــوێ‌ قوته‌ی جرپن

بۆچــــــــــی ده‌وه‌ڕیت بــــه‌ من؟

خـــــــــــواردنم بـــــۆ هێناوی

ئه‌وه‌تـــــــــــــا بۆم دانـــــاوی

بۆ تـــــــــــووڕه‌ ئه‌بیت وا زوو؟

به‌س خۆت له‌ قاچــم هه‌ڵســـوو

واز له‌م كـــــــــــــرداره‌ بێنـــه‌

كــــلـــكــــم بۆ مــــه‌لــه‌قێنه‌

بۆچی كــــردووته‌ به‌ خــــــــوو

هـــــــه‌ركـــه‌س نانێكی پێ بوو

ســــــــــــه‌ری بۆ ئه‌كــه‌ی نه‌وی

به‌ســــــــــــه‌ر قاچیا ئه‌كــه‌وی

ده‌ هــــه‌ســـــــته‌ پاڵ مه‌كــه‌وه‌

من ڕائه‌كــــه‌م دوام كــــــــــه‌وه‌

كه‌ تۆپه‌كــــــــــه‌م هه‌ڵــده‌ده‌م

تۆش بیــــــــــــهێنــه‌وه‌ به‌ ده‌م

ده‌ی خێراكــــــــــــــــه‌ ڕێكــه‌وه‌

یاری ئه‌كـــــــــــــه‌ین پێكـــه‌وه‌

*** 8/6/2009

 

 

 

ماڵی باران

 

ئێوه‌ش وه‌رن منــــــــــــــاڵان

ده‌چین بۆ ماڵی بـــــــــــاران

به‌فـــــر و بــاران و تـــه‌رزه‌

ماڵیــــــــان له‌ شوێنی به‌رزه‌

هـــــــه‌ور ماڵی بــــــــارانه‌

دڵگــــــــیره‌ و فـــــــــراوانه‌

ده‌ی با ده‌ست بگرین به‌ ( با )

به‌ره‌ و ئاســــــــمان بمانبا

له‌گه‌ڵ ئه‌ودا ده‌گــــــــه‌ڕێین

( با ) ڕوی له‌ كوێ‌ بوو له‌وێین

ئای خۆ دڵــــــــــۆپه‌ی باران

وا ســـــــــــه‌رگۆنامی ته‌زان

 

*** 16/9/2009

ئه‌مین محه‌مه‌د/سلێمانی

 

Previous
Next

Leave a Reply