Skip to Content

Sunday, May 9th, 2021

دوو هۆنراوە …. دروشمی قوتابخانه‌ ….تابلۆی به‌فر

Be First!

 

دروشمی قوتابخانه‌

 

دروشــــــمی قوتابخانه‌

بریتین له‌م كــــــــارانه‌

قوتابی زیره‌ك و ژیــــر

هه‌مـــــوویانی وا له‌ بیر

هه‌وڵ ئه‌دات بێ‌ وه‌ســتان

بۆ جێبه‌جێ‌ كـــــردنیان

كاتێ‌ ئه‌دوێ‌ ڕاستگـــۆیه‌

ده‌ستپاك و له‌سه‌رخــۆیه‌

ڕێزی خـــــه‌ڵكی له‌ لایه‌

كه‌سێكی به‌ وه‌فـــــــایه‌

خاوێنی پیشـــــه‌ی ئه‌وه‌

بۆ كاری باش پێشـــڕه‌وه‌

هێمن و لێبورده‌یــــــه‌

ناخی پڕ له‌ خۆزگــــه‌یه‌

خۆشــــه‌ویستی ده‌نوێنێ‌

بۆ هــه‌ركه‌سێك بیدوێنێ‌

——————-

*تابلۆی به‌فر*

 

ئه‌مڕۆپڕوشــــــه‌ی به‌فر

دێته‌ خوارێ‌ له‌ئاســـمان

ئای چه‌ند جوانه‌ دیمه‌نی

شارو گوندی كوردســـتان

* * *

بۆ هه‌ر لایه‌ك بڕوانی

تارای به‌فری پۆشــیوه‌

دیاره‌ دیمه‌نی جــوانی

ده‌ڵێی هه‌رگیز نه‌تدیوه‌

* * *

چاو تێر نابێت له‌سه‌یری

ئه‌و دیمه‌نه‌ جـــــوانانـه‌

تابلۆیه‌كـــــــن بێ‌ وێنـه‌

نه‌خشی ده‌ستی یـــه‌زدانه‌

* ئه‌م هۆنراوه‌یه‌ كراوه‌ به‌گۆرانی

ئاوازی :سه‌فین خه‌راجیانی

.وتنی :چاما ئیبراهیم

 

Previous
Next

Leave a Reply