Skip to Content

Friday, November 27th, 2020

دڕندەیى نێوان مرۆڤ و ئاژەڵ

Be First!
by April 5, 2008 گشتی

  ئەنوەر . س . مەسیفى……
 هەروەك زانراوە لەچاخى بەردین مرۆڤ و ئاژەڵە گۆشت خۆرەكان بەگوێرەى برسیەتى خۆیان نێچیریان راو دەكردو تەنها بۆ خۆ تێركردن بوو ، دواى ئەوەى راوى خۆیان دەكردوو تێر دەبوون ئەگەر نێچیرێكى تریشیان بەبەردەم دارۆیشتبایە لەبەر ئەوەى تێربوون پەلاماریان نەدەدا .
 لەچاخەكانى ترو لەگەڵ پەیدابوونى كشتوكاڵ مرۆڤ لەئاژەڵەكان جیا بوەوەو دەستى كرد بەچاندنى زەویەكان لەگەڵ پێشكەوتنى كشتوكاڵیش زیاتر دەستى بەسەر زەویەكانى كشتوكاڵى دادەگرت ئێدى لەم رۆژگارەوە تا ئەمڕۆش مرۆڤ چەندى زەوى كشتوكاڵى و ماڵ و سامانى هەبێت هێشتا بەدواى هیتریشەو وەك ئەوەى هیچى ترى نەبێت .
 لەوانەیە رۆژانە گوێمان لەچیرۆكى سەیر سەیر بێت یاخود بەچاوى خۆمان ببینین كەوا چۆن هەندىَ كەس بەبىَ گوێدانە هیچ داب و نەریتێك و هیچ شتێك هەوڵ دەدەن تەنها سەروەت و سامان كۆبكەنەوەو بەهەرچى رێگایەك بێت بۆئەوان گرنگ نییە جا ئەگەر بەدزى بێت یان جەردەیى یان پاڕانەوە یان فێڵ كردن تەنها مەبەستى ئەوان كۆكردنەوەى سەروەت و سامان و خۆدەوڵەمەند كردن و بەهیچ شتێك تێر نابن لێرەدا پێم باشە نمونەى پیاوێكى ئەم وڵاتە بخەمە بەر دیدى خوێنەران .
 پیاوێك ئێستا خاوەنى سىَ خانووەو دوو سىَ ژنیشى هەیە ، پێش چەند ساڵێك وەك باس دەكەن نانیشى نەبووە بیخوات تەنها كرێى خانووەكەشى لەلایەن چەند خێر خوازێك دەدرا بەڵاًم ئەوان ئاگایان لىَ نەبوو ئەم كابرایە ئێستا بۆتە خاوەنى سىَ خانوو ژنێكى تریشى زیاد كردووە ئەم پیاوەش بەبىَ هیچ چاوو رویەك مانگانە دەرۆیشت كرێى خانووى لێوەردەگرتن بەخێر رۆژێكیان یەكێكى ناسیاوى لەلاى خێرخوازەكانى دەبینێت و كاتێك پرسیار دەكات فلانە كەس بۆ لێرە بوو خێرخوازەكانیش دەڵێن فەقیرە مانگانە كرێى خانووى بۆ دەدەین كابراى میوانیش نایكاتە نامەردى و دەڵێت ئێستا دەگەڕێمەوە دەچێت بە مۆبایل وێنەى هەرسىَ خانووەكەى دەگرێت كە یەكێكیشیانى بەپارەیەكى زۆر بەكرێداوەتە كۆمپانیایەك و نیشانى خێرخوازەكانى دەدات سەرەتا واقیان وڕدەمێنێت ئاخر پیاوێك بەو دەوڵەمەندییە هێشتا چاوى لەخێرە یەكسەر بۆ مانگى تر كە كابرا بۆ كرێى خانوو دەچێتەوە لاى خێرخوازەكان ئابڕووى دەبەن كەوا باشیش دەیانزانى هیچ ئابڕووى نییەو یەكسەر دەرى دەكەنە دەرەوەو ئنجا هەزاران كەسى وەك ئەو گوێنادەنە هیچ شتێك لەسەر ئەو هەموو موڵك و سامانە هێشتا چاویان برسییەو لەدواى دوو سىَ ژن هێشتا بەدواى بەدرەوشتى دەگەڕێن جا ئەگەر بێت و ئێمە بەراوردێك لەنێوان ئاژەڵە دڕندە كان و ئەمجۆرە مرۆڤانە بكەین دەبینین ئاژەڵەكان كاتێك تێریان خواردو تەواو تێر بوون و تابرسیبونێكى تر دڕندەنابن كەواتە دەتوانین بڵێین ئەمجۆرە مرۆڤانە لەئاژەڵیش دڕندەترو چاو برسى ترن لەبەر ئەوەى ئاژەڵ كاتێك تێر دەبێت دادەمركێت بەڵام ئەو مرۆڤانە هەر دڕندەو چاو برسین .
 

Previous
Next

Leave a Reply