Skip to Content

Thursday, March 28th, 2024
دڵته‌نگییه‌کانی من … ڕێناس جاف

دڵته‌نگییه‌کانی من … ڕێناس جاف

Closed
by March 5, 2013 هۆنراوە

 

 

دڵم زۆر ته‌نگه‌ بۆ وه‌فای جاران

بۆ هاتو چۆکه‌ی کیژی به‌ر باران

بۆ لار و له‌نجه‌ی گه‌ل گه‌ل نازداران

بۆ ئه‌و ڕۆژانه‌ی ڕابوردن،یاران!

بۆ دانیشتنه‌که‌ی ده‌مه‌و ئێواران

یان چاوه‌ڕوانیی له‌ بن پاساران

بۆ کۆچی کۆچه‌ر ڕوو له‌ هه‌واران

بۆ سۆزی ده‌نگی گشت هه‌رزه‌کاران

بۆ سیحری ناڵه‌ی جووتێر،به‌هاران

بۆ بۆنی ئاگری هه‌رد و گوڵجاڕان

بۆ قاسپه‌ قاسپی که‌وی پێ بناران

بۆ جریوه‌ جریوی مه‌لی به‌یانان

بۆ گوندی چۆڵ و کۆنه‌هه‌واران

بۆ وزه‌ و هاژه‌ی دۆڵی په‌پوولان

بۆ تریق و هوڕی ناو کانیی ژنان

بۆ به‌زمی کوڕگه‌ل هه‌ر به‌ نیوه‌ڕۆان

بۆ خۆڕپه‌ڕه‌که‌ی چیا و لاشانان

هه‌ر بۆ تینه‌که‌ی ناو کۆڕی یاران

بۆ ڕه‌فاقه‌تی بێگه‌ردی جاران

بۆ هاوڕێیانی دووره‌ ساڵگاران

بۆ ئینتیزاری  ناو ناخی دایکان

تا گه‌ڕانه‌وه‌ی جگه‌رگۆشه‌کان

بۆ به‌هار،هاوین،پایز و زستان

بۆ دیمه‌نه‌که‌ی سه‌رپاک کوردستان

هه‌ی داد،هه‌ی بێداد تازه‌ داد نادا ئه‌شکی به‌ر باران

مه‌گین هه‌ر خه‌یاڵ بمباته‌وه‌  ناو گوڵجاڕی جاران.

 

تاران

10ی ڕه‌شه‌ممه‌ی 2712

 

Previous
Next
This site is registered on wpml.org as a development site.