Skip to Content

Friday, September 25th, 2020

دیداری گۆڤاری (140) ى کەرکوک لەگەڵ بەرَێز جەوهەر نامیق سالم

Be First!
by March 2, 2008 گشتی

• چ تێڕِوانینێکت بۆ ماددەی (140) ی دەستووری هەمیشەەیی  لەم قۆناغەدا هەیە..؟
• خەڵکی دیکەو و بەندە زۆری نووسی و ووت لە سەر ماددە (58) و پاش تر (140) . بەشێکی زۆری دوو کتێبی ئەم دوایەمان ا(2004 و 2005) لە سەر ئەم کێشەییە. چونکە بە دیدی  خۆم ناوەڕۆکی کێشەی کورد لە باشوورى کوردستان ، سیاسەتی تەعریب وکۆڕینی قەوارەی نەتەوایەتیمانە وکەرکوک جەغزەکەیەتی . لە سەرەتای ئەم مانگە لە یەک لە نووسینەکانماندا بۆ رۆژنامەی ( رۆژنامە) و سایتی( سبەی ) وچەند سایتی دیکەی ناوەوە دەرەوە ، ئاماژەمان بەوە کرد کە دوای 31/12/2007 چارەنووسی ( یاسایی) ئەم ماددەیە چێگای مشتومڕ وپرسیارە . گوایە ئەنجوومەنی نوێنەرانی کۆماری العراق حەواڵەی دادگای باڵای فیدراڵی دەکات  ، بۆ ئەوە شەرعیەتی ماددەی (140) پاش تەواو بوونی کاتەکەی (31/12/2007) ببڕێنێتەوە. بە پێی ئاژانسەکان وهەندێ سەرچاوەی لیستی کوردستانی ،سەرۆکی ئەنجومەنی نوێنەران تاکو 10/2 یش ئەوداواکاریەی نەناردووە بۆ ئەو دادگایە. راستە ماددەیەکی دەستووریە ولە دەستووری هەمیشەیی کۆماری (العراق) جێگیر بوە و ناوەڕۆکی چێبەجێنەکراوە وماوەتەوە ،وەلێ ئەو ماددەیە (سەقفێکی زەمەنی) بۆ دیاری کرابوو کە (اقێاها)  (31/12/2007) ە. هەر ئەم چۆرە ( تەحدید) کردنە وا بە سادەیی و بۆ کێشەیەکی وا ئاڵوز و موعەقەد کەمین وگرفتێک بوو.
• واتە ماوەکەی تەواو بوە ..؟
• ماوەی کارکردنی لە رووی( یاسایی) وە ، بەڵی  تەواو بووە.
• چارە چیە؟
• ئەگەر نێردراوە بۆ دادگای باڵای فیدرالڕ یان دەینێرن ، دەبێت چاوەڕوانی حوکمی دادگا بکرێت . مەعلوومیشە بڕیارەکانی ئەم دادگایە بە پێی ماددە ( 94) ی دەستووری هەمیشەیی کۆماری العراق : (قگعی) و( ملزم) ە بۆ هەموو لایەک .
• خەیاراتی لایەنی کوردستانی چیەلەم حالەتەدا ..؟
• دیارە سوورن لە سەر کارکردن بەو ماددەیە بۆ (6) مانگی دیکە . ئەمەش دەبێت یان بە تەوافق حەل بکرێت یان بە (حیلە) شەرعی وپشت بەستن بە سابیقەی لادان لە دەستووری هەمیشەیی .
• تا چ رادەیەک ئومێدتان  بەو ( شەش)  مانگەیە ، کە دراوەتە دەم وادەدیاریکراوەکە بو َ جێبەجێکردنی  ماددەکە ؟
• بەندە و زۆر کەسی دیکە هەر لە سەردەمی ماددەی (58) وپاشتر (140)  گومانمان  لە ئیمکاناتی جێبەجێکردن و چارە نووسییان هەبوو. هێشتا چارە نووسی  (یاسایی) وەکو وتمان  دیار نیە : دادگای فیدراڵ و تەوافق یان سابیقەی یاسایی  بڕیاری یاسایی ئەنجومەنی نوێنەرانى دەوێت . ئەمەش نەکراوە.  لەو (6) مانگە کە ( پێشنیار ) کراوە وا نزیکەی دوو مانگی  تەواو بوو ..پرسە سەرەکیەکانی  وەکو خۆیەتی ، بە تایبەتی  ئەو کێشە وئەرکانەی کە پەیوەندیان بە دەستەی  باڵای هەڵبژاردنەکانەوە هەیە  وەک سەرژمێری  وچۆنیەتی ئەنجامدانی  ریفراندۆم  وئەوانەی کە مافی دەنگدانیان هەیە ودیاری کردنی ناوچەکانی ( المناگق المتنازع علیها ) وبنەماکانی دەنگدان ( پارێزگا . قەزا . ناحیە)، شێوە وشێوازی پرسیار و راپرسین و ئەوکەرەستە لۆجستیانەی کە پێویستە فەراهەم بکرێن ..تاد. هەندی لەو ئەرکانە یاسای گەرکە. ئەنجومەنی نوێنەرانی لە دوای 15/2 تاکو ناوەڕاستی مانگی ئاداری 2008 لە پشووی رەسمیدا دەبێت ، زیاد لەمەش هەڵەوێستی پانتایەکی فراوانی ئەم ئەنجومەنە سەبارەت بە کورد وکێشەی ماددە (140) ئیجابی نیە. ماددە (140)  ناوەڕۆکی ماددەی (58)ی (یاسایی ئیدارەتی دەوڵەتی عێراق بۆ قوناغی گۆاستنەوە) یە ، بەندە ،ئەوسا وئێستاش، وای دەبینم ئەم ماددەیە پرۆسەیەک بوو ، بە سەقەت لە دایک بوو و بەسەقەتی ژیا و بە سەقەتی مرداردەکرێتەوە . ئەگەر ئەم ماددەیە بە هەردوو قۆناغیەوە ( (58) و (140) لە ماوەی (3) ساڵ  جێبەجێنەکرێت تۆ بلێیت لە ماوەی سێ چوار مانگی ئایندە ئەنجام بدرێت ..؟!
• ئەگەر لەو ماوەدرێژکراوەیەشدا ماددەکە جێبەجێنەکرا ، سەرکردایەتی  کورد چ هەڵبژاردنیکی  دیکەی  لە پێشدایە  وئەڵتەرناتیڤ بۆ ماددەی 140 چی یە ؟
•  سە بارەت بە کێشەی ناوچە تەعریبکروەکانمان لە پاش ( رزگاری العراق) بە هەر(4) قۆناغەکەیەوە واتە ( قۆناغی داگیر کردنی العراق لە لەلایەن ئەمریکاوە بە فەرمی ) و قۆناغی (کاتی ) وقۆناغی (گواستنەوە) وقۆًناغی (هەمیشەیی)،سەرکردایەتی فەرمی کورد بەرنامە و نەخشەو ئیستراتیجیەتێکی تۆکمە ودیاری کراوی نەبوو بۆ ئەو ناوچانە بە کەرکوکیشەوە. ئەم سەرکردایەتیە داخیلی پرۆسەی دامەزراندنەوەی عێراقی هیوا وئاشتی بوون، وەک هەر لایەن وهاووڵاتێکی ئەم ( العراق) ە و بە پێی ئەو ئەجندایە کە لە سەرەتاوە ( داگیر کەری) ئەمریکی دیاری کردبو ولە سەری دەڕۆیشت ، نەک وەک خاوەن کێشەیەک ونەتەوەیەک . بۆنموونە کێشەی دابڕانی گوندێک یان ناحیە وقەزایەک لە کەربەلا  یان لە نەجەف کە خراوەنەتە سەر رەمادی یان پارێزگایەکی عەرەبی دیکە یان دەستکاری لە سنووری ئیداری پارێزگای میسان و بەسرەی عەرەبی خوارووی العراق ، لەگەلڕ دابڕانی توزخورماتو لە کەرکوک بۆ سەر تکریت یان کفری بو سەر دیالە  یان قەزای مەخموور بۆ سەر پارێزگای مووسڵ بەیەک چاو تەمشاکراون وکاری یەک لیژنەیە. لەوەش زیاتر چارەنووسی گەڕانەوەی ناوچە تەعریبکراوەکانمان بەستراوەتەوە بە بڕیاری ئە نجومەنی نوێنەرانی کۆماری العراق …! من باسی گرفت وکۆسپەکانی ماددەکە و هەڵەی ریفراندۆم و تەدویل ناکەم….! لە سەرەتای  ( رزگاری العراق) سەرکردایەتی فەرمی کوردستان هەلێکی میژوویی لە دەستدا . ئەگەر رۆژانی یەکەم وەک خانەقین  ناوچە تەعریبکراوەکانی دیکەمان بگەرانایەتەوە بۆ ژێر رکێفی هەرێمی کوردستان ، خۆ شەری جیهانی سێهەم نەدەقەوما !! لە چرکە ساتەکانی رۆژی 10و 11/4/2003 کێ دەهات گوند وناحیە وقەزا تەعریبکراومان لێ زەوتبکاتەوە یان دیسان کوردی لە دەرکات . لایەنی رزگاریکەر لە نەشئەی سەرکەوتندا بوو. تەعریبچیەکانی موتەجاوز وزەوتکەری خاک ومالڕ وحاڵی کوردی ئەو ناوچانە،  واتە ئەو عەرەبانە کە بە پێی پرۆسەیەکی دەسەڵاتی شۆڤێنی بەعس بە بەرنامە، موڵک وماڵی کوردیان لەو ناوچانە زەوت کردبوو و(ئەماراز و دەزگا وکەرەسەی تەعریب بوون و، بەشێک بوون لە بەعس وەکو دەسەڵات و وەکو حیزب) ،لە حالەتی هەڵهاتن وراونان ولاواز وشکست خوردە وبێ سەروبەر بوون .تاک و بە کۆمەڵی ئەم تەعریبچیانە و کۆمەڵگا وگەڕەکەکانیان جیاوازیان نەبوو لە گەلڕ بنکەو بارەگای فەیلەقەکان و ئەمن و موخابرات و مەنزوومەی بەعسی .لایەنی کوردستانی خاوەن ماف و جینوساید کراو وهاوپەیمانی هێزی ( رزگار کەر) و ( سەڵتە سوری) بەر لەشکری بوو. ئەم کێژاوەی ئەمڕۆ باجی کورتبینی دوێنێیە . پێشبینی لە سیاسەتدا زۆر جار گرنگترە لە واقیع و، هەلیش وەک تیغە نەیبڕِیت دەتبڕێت . (51%) ی پانتایی خاکی باشووری کوردستان لە دەرەوەی هەرێمی کوردستانە واتە لە سنووری (45) هەزار کم دووجا، شتێکی وەها کەم نییە بەسەریدا تێپەربین ، ئەم پانتاییە بە ئەندازەی (چوار جارو نیوی) پانتایی وڵاتێکە وەک لوبنان یان جار ونیوێک لە پانتایی وڵاتێک وەک (بەلجیکا) یە.  بە پشت بەستن بە مادەەی (140) چ بە ریفراندۆم وچ لە سەر ئەساسی ئەنجامی هەڵبژاردنی ساڵی 2005 ،کورد  لە سنووری (24) هەزار کم دوو جای خاکەکی لە دەست دەدا ، واتە دوو جار زیاتر لە پانتایی ( لوبنان)  . بڕوانە ئەم خشتەیەی کە لە بەردەستدایەسەبارەت بە رووپێوو و،ئەنجامی هەڵبژاردنی ساڵی (2005)ی ئەو ناوچانە کە لیستی کوردستانی زۆرینەی دەنگەکانی وەدەست نەهێناوە بە (%) :

1.پارێزگای مووسڵ
ز ناوچە رووپێو (کم2) رێژەی دەنگ
1 ناحیەی قەیرەوان (بلیج) 770 44.72%
2 مەرکەزی قەزای تەلعەفەر 824 2.92%
3 ناحیەی رەبیعە 431 2.64%
4 ناحیەی العیاچیە (ئافگەنی) 784 47.7%
5 ناحیەی کەلکی یاسین ئاغا 325 29.45%
6 مەرکەزی قەزای قەرەقۆش 175 10.97%
7 ناحیەی بەرتللە 215 7.55%
8 نەمرود (خدرالیاس) 473 3.7%
9 مەرکەزی قەزای تلکیف 401 45.8%
10 قەزای بەعاج 500 1.98%
کۆی گشتی رووپێوی ناوچەکان 4898 
2- پارێزگای سەلاحە الدین
1 مەرکەزی قەزای تووزخورماتوو 2302 54.85%(1)
2 ناحیەی سلیمان بەگ 774 20.64%
3 ناحیەی ئامرلی 289 15.27%
کۆی گشتی رووپێوی ناوچەکان 3365 
3- پارێزگای کەرکوک
1 قەزای حەویجە                                   (3947) کم 2 (1) ناوەندی قەزا
                        ناحیەی عباسی
                         ناحیەی ریاچ
                        ناحیەی بایجی
                        ناحیەی زاب 0.73%
0.03%
1.23%
7.08%
0.07%
2 ناحیەی تازە 286 0.91%
3 گەڕەکی تسعین (مەرکەزی ژمارە 381 ناوشار  13.1%
4 قادسیە (راپەڕین) (مەرکەزی ژمارە 382 ناوشار  50.18%
5 رێگای بەغدا (مەرکەزی ژمارە 386 ) ناوشار  24.53%
6 عەرەفە (مەرکەزی ژمارە 388 ) ناوشار  43.59%
7 برایەتی (مەرکەزی ژمارە 389 ) ناوشار  26.36%
   
8 موێەلی (مەرکەزی ژمارە 392 ) ناوشار  38.95%
9 رزگاری (مەرکەزی ژمارە 394 ) ناوشار  48.53%
10 خاسە (مەرکەزی ژمارە 397 ) ناوشار  21.45%
11 رووناکی (مەرکەزی ژمارە 403 ) ناوشار  22.93%
کۆی گشتی رووپێوی ناوچەکان 4233 
4- پاریًزگای دیالە
1 ناحیەی جەلەولا 250 38.64%
2 ناحیەی سەعدیە 610 25.02%
3 بەلەدرووز 1840 1.55%
4 قەزای مەندەلی 1192 16.38%
5 شارەبان (المقدادیە) 768 1.9%
کۆی گشتی رووپێوی ناوچەکان 4660 
5- پارێزگای واسگ (کوت) (2)
1 ناحیەی القزانیە 3248 
2 ناحیەی جێان 1856 
3 م.قەزای بەدرە 1794 
کۆی گشتی رووپێوی ناوچەکان  6898 

(1) لە هەٍر ریفراندۆمێکی دیکەی ناوچە تەعریبکراوەکانمان دەبێت رچاوی ئەوە بکەین گەلایەنەکانی غەیرە کورد تەحشید وئامادە باشی تۆکمە نری بۆ دەکەن و حزووری ئەو لایەنانەو ودەسەڵاتی ناوەند و یوئین ..تاد زیاتر  دەبێت
 (2): لیستی هاوپەیمانی کوردستانی ، لە سەر تاسەری پارێزگای ( کوت = واسگ) (1281) دەنگی هێنا ، واتە لە ناوەندی قەزای ( بدرە) وئەو دوو ناحیەیە کەمتر لە (0.3%) ی گشتی  دەنگدەرانی ئەم پارێزگایەی وەدەست هێناوە. بە هۆی  تەهجیر ودەرکردنی  هاووڵاتیانی کورد وتەعریبی سەرەتای ساڵەکانی حەفتای  سەدەی رابردوو و، بە هۆی شەڕی (عێراق وئێران) لە  ساڵانی (1980-1988) ناوچەکانی ئەم دەڤەر لە کورد چۆڵکرا و زەوی وزاروباغ وبێستان ومالڕ وحالیان خاپوور کرا .
• بەڵام ئەوکات ئەمریکا  لە کەرکوک  باڵا دەست بوو وهەر  لە رۆژانی  بەراییەوە فرۆکەخانە و کۆمپانیای نەوتی  کۆنترۆلڕ کرد و بنکە سەربازییەکانی  خۆی تیدا قایم کرد ، واتە ئەوکات ئەمریکا خۆی بە خاوەنی  کەرکوک  دەزانی  ونەیدهێلا هیچ پێکهاتەیەک  لە پێکهاتەکانی  شارەکە باڵادەستبن؟
• تەعریب و زەوتکردنی کەرکوک وناوچەکانی دیکەمان ، بە زۆر و لە هەلێکی ئیستیسنائی روویدا .لە هەلێکی ئیستیسنائیش دەگەڕێنەوە. لە 10/4/2003 ئەو هەلە هەڵکەوت .عێراق وەکو دەوڵەت داگیر کرا. رژێم ودەستوور ویاسا وڕێساکانی بە داڕمانی رژێمی سەدام و (رزگاری)  العراق هەڵوەشایەوە ونەما . ئەمریکا رایگەیاند ( رزگار کەر) ە. لایەنی کوردستانی هاوپەیمانی( رزگار کەر) بوو و،پەلاماری فرۆکە خانە و کۆمپانیای نەوت و قڕکردنی پێکهاتە (رەسنەکان) ی دیکەی کەرکوک وناوچە تەعریبکراویان نەدا . هێزی پێشمەرگە و هاووڵاتیانی جگەر سوتاوی کەرکوک وگشت ناوچە تەعریبکراوەکانمان چوونە ناو زۆربەی زۆری ناوچەکانی خۆیان. لەو سات وئانە بەشێک لە  هێزەکانی لایەنە کوردستانییەکان  سەرقاڵی کاری نابەجێ و لاوەکی بوون، نەک ئیزندان وبگرە دەرکردنی تەعریپچیەکان، کە مافی رەوای خۆیان بوو، ئەگەربەهاتایەت  لایەنی کوردستانی ماچار کرابایە، لەسەرماڵ ومافی خۆی رووبەرووی ئەمریکیەکانیش ببایەتەوە،ئەو دەم زەرەری گیانی وماڵی زۆر کەمتر دەبوو لەوەی لەم (4) ساڵەدا کورد لە کەرکوک و لەو ناوچانە لە دەستی داوە . ئەوانەی کە رووبەرووی دەسەڵاتی  ئەمریکا بوونەوە نە بە ئەندازەی کورد غەدریان لێکرابوو وخاون ماف بوون ونە رووبەرووبونەوەکەشیان بە ئاستی رەوای رووبەرووبوونەوەی کوردە ، تەماشا کەن ئەمریکا چۆن مامەلەیان لە گەڵدا دەکات و، چۆن لە کەلڕ کورد رەفتاری کرد ودەکات . چرکە ساتە هەلە مێژووییەکان  کەم جار روو دەدات و زوو دەروات ،کە لە دەست دراپەشیمانی بێ سوودە …!
• تەدەخولی ( یو ئین )  وهاتنی نوێنەریان  بۆ کەرکوک  وکۆبوونەوەیان لە گەلڕ  سەرجەم  بێکهاتەکانی  شارەکە ،  لە بەرژەوندی  کێدایە ؟
• دوور نیە لە مەر رۆڵی ( یو ئین)  سەبارەت بە ماددە(140) راو وبۆچوونی جیا جیا هەبێت . بە گشتی  نابێت تەنها بە چاوی  ( رەش و سپی) تەماشای ئەم رۆلە بکەین بەگشتی  ،وەلێ بە بەراورد کردنی تەرازووی هێز لە العێراق و ناوچەکە و رۆلی ( یوئین) وئەرکەکانی وەکو دەزگایەکی نێو دەوڵەتی ونوینەرایەتی کێ دەکات و کێ باڵا دەست و ، ئەزموونی خۆمان وخەڵکی دیکە لە گەلڕ ئەم دەزگایە،دەر ئەنجام  پۆزەتیڤ وموژدە بەخش نابێت بۆ کورد . تێکەڵبوونی ( یوئین) لە خودی ناوەڕۆکی ماددە (140) ۆبە دەر لەو بوارانە  کە بڕیارەکانی ( پول بریمەر) ودوایین بڕیاری ئەنجومەنی ئاسایشی نێودەوڵەتی  دیاری کردووە،سەبارەت بە رۆڵی ئەم دەزگایە لە ( العراق) ، باوەر ناکەم ئیجابی بێت . ئەوانەی بریمەر و ئەنجومەنی ئاسایشی نێودەوڵەتی مولزمە و پەیوەندی بە تەعریبەوە نییە و،بەدەر لەوانە دوور نیە زیان بەخش بێت بۆ کورد .
• جەبهەی تورکمانی  وچەند ئەندامێکی  تری  نێو ئیئتلافی  شیعی  تەرحێکی نوێیان کردووە و داوای  هەرێمێکی  سەربەخۆ دەکەن  بۆ کەرکوک ، خوێندنەوەتان  بۆ ئەم جۆرە  تەرحە  چی یە؟
• ئامانجی ئەمانە و حکومەتی ئیرهابی تورکیا  وئەوانەی کە وەکو ئەوان بیر دەکەنەوە تەنها وتەنها دابڕانی کەرکوک وناوچەکانی دیکەمانە لە هەرێمی کوردستان . بەوەش راناوەستن بەلکو دژی بوون ومافی کوردن لە هەرکوێ بێت . سەرۆک کۆماری تورکیا و سەروک وەزیران و وەزیری دەرەوەیان وجەنەراڵەکانیان ئەم راستیە ناشارنەوە وبەردەوامن لە دەستێوەردان لە کاروباری العێراق وهەرێمی کوردستان .لەئەنقەرەو لە واشنتون لە گەل بوش ورایز  . لە یوِئین ولە یەکێتی ئوروپا ..تاد ، باسی کەرکوک و کێشەی کورد دەکەن . رۆژانە تۆپباران و خەرقی سنووری کوردستان دەکەن وخەڵکی سڤیلی ئێمە دەکوژن و گوندو مالڕ وحاڵیان خاپور دەکەن ، کە چی سەرانی  العراق وکورد ورتەیان لێوە نایەت و هەر چی نەبێت لە رووی دەستێوەردان پەنا نابەن بە ( المعاملە بالمپل ) .  بەلای منەوە تەرحەکەی بەرەی تورکمانی وحکومەتی ئیرهابی  تورکیا جێگای سەرسوورمان نیە ، بەلکو ئەوەی بەلای بەندەوە سەیرە، تەرحی ئەوبەرپرسیار و کەسایەتیە کوردانەیە کە راستەو خۆ یان ناڕاستەو خۆ زەمینە بۆ ئەم جۆرە  بۆچوونە خۆش دەکەن……!! لە یەکێک  لەکتێبەکانم (2004)  ئێژم ( لە شەڕی  نێوان (ێفویەکان) و(عوسمانیەکان)  کە زیاتر کورد لایەنگیری  عوسمانیەکان بوو، بۆ یەکەم جار کوردستانیان دابەش کرد لە بەشێکەوە بۆ دووبەش (1516) و،کورد دۆڕاوبوو . لە پاش جەنگی جیهانی یەکەم ،ووڵاتانی هاوپەیمان  بە سەرۆکایەتی بەریتانیای عوزما سەر کەوتوو بوون. ناوچەکەیان داگیر کرد . کورد هاوپەیمانیان بوو، کوردستانیان دابەش کرد لە (2) بەش بۆ (4) بەش و، کورد دۆڕاو بوو . لە شەری جیهانی (دژ بە ئیرهاب)  کە ئەمریکا بۆ سەپاندنی دەسەڵات وبەرژەوەندی خۆی لە سەرەتای سەدەی بیست ویەکدا (2003) دەستیپێکردووە و،کورد هاوپەیمانیەتی ،  ئەترسم ئەمریکا بەشی باشووری کوردستانمان ( کوردستانی عێراق) لە یەک بەشەوە بکاتە چەند بەشێک..!) . لە سەر سەرکردایەتی فەرمی کوردستانە پێ داگرێت لەسەر سنووری میژوویی وجوگرافی باشووری کوردستان ، بۆ ئەمەش سازشکردن لە سەر بستێکی خاکی ئەم نەتەوەیە دەبێت لە خانەی موحەرەمات بێت  .
• بەڵام ئەمریکا  هەمان  دیدی  بۆ کەرکوک  نییە وجوگرافیا ومێژوو وەکو ئێمە ناخوێنێتەوە ، ئەوان  ئیمڕۆ  دەخوێننەوە نەک دۆێنی ؟
• بەڵی دوور نیە وابێ . ئەمریکا ووڵاتێکی بێ مێژوە . پێست رەشێکی ئەمریکی وەک ( رایز )  کە ئەمڕۆ لە ئاستی بڕیاردانە، لە مێژوی خۆیەوە تەمشای مێژوی خەڵکانی دیکە دەکات . ئەمریکا وەکو دیموگرافی وجوگرافیا و مێژوو کلتوور وبیروباوەر وسیستێم دیاردەیەکی تایبەتە بۆ خۆی . بۆ (15) سالڕ ئەچێت بنەماڵەی (بوش) ، (باوک و کوڕ)  بە تایبەتی لە بواری سیاسەتی دەرەوەیان خەڵکی خۆیان وخەڵکی دیکە وئێمەی کورد چەواشە دەکەن ، کە چی هێشتا توێژەیەکی زۆر هەیە لە ناو ئەوان وئێمە باوەڕیان پێ دەکەن ! ئەمریکا ئەجندای خۆی هەیە ،لە گەڵ بەرژەوەندی ئیستراتیجی خەڵکی کوردستان تەبا نابێت .  ئەگەر پەند لە رابردوو وەرنەگرین وا رووداوەکانی ئەم چوار ساڵە زیندووە وهەژارانی کورد رۆژانە نرخەکەی دەدەن. لەوە ئەترسم ڤایرۆسی بایەخنەدان بە مێژوونەخوێندنەوەی و، (ژیان بۆ ئەمڕۆ) َی ئەمریکی ، کاری خۆی کردوبێتە سەر هەندێ لە بەرزە لێپرسراوانی  کورد ..!
تێبینی :
ئەم بابەتە لە ژمارەی 15  ( 25/2/2008) ی گۆڤاری (140)  کە کۆڤارێکی سەر بەخۆیە و لە کەرکوک دەردەچێت ، بڵاوکراوەتەوە .

Previous
Next

Leave a Reply