Skip to Content

Friday, March 29th, 2024
روحتاو از شاهو تا برزنجه‌ی چاپ و بڵاوكرده‌وه‌

روحتاو از شاهو تا برزنجه‌ی چاپ و بڵاوكرده‌وه‌

Closed
by December 27, 2011 کتێبخانە

 
یارسانه‌كان یان وه‌ك له‌ هه‌ندێ ناوچه‌دا به‌ “ئه‌هلی حه‌ق، عه‌له‌وی، كاكه‌یی، هاواری” ناو ده‌برێن، خاوه‌ن فه‌رهه‌نگێكی گه‌وره‌ن. له‌به‌رئه‌وه‌ی له‌لای به‌شێكی باوه‌ڕداری سه‌ر به‌ ئه‌م ئایینه‌، نووسین و بڵاوكردنه‌وه‌ له‌سه‌ر ئایینه‌كه‌یان به‌ كارێكی ناپه‌سه‌ند داده‌نرێت، تا ئێستا وه‌كو پێویست زانیاری له‌سه‌ر تێكست و ئایینی یارسانی له‌به‌رده‌ستدا نییه‌، به‌ڵام لای به‌شێكی تریان “به‌تایبه‌تی ئه‌و یارسانانه‌ی كه‌ له‌ خۆرهه‌ڵاتی كوردستان نیشته‌جێن”، نووسین و بڵاوكردنه‌وه‌ی زانیاری له‌سه‌ر ئایینه‌كه‌یان نه‌ك هه‌ر كارێكی ئاساییه‌، به‌ڵكو ڕێگه‌یه‌كیشه‌ بۆ به‌رپه‌رچدانه‌وه‌ی ئه‌و بۆچوونه‌ هه‌ڵانه‌ی كه‌ له‌ سه‌ر ئایینه‌كه‌یان لێره‌وله‌وێ ده‌وترێن و ده‌نووسرێن. ئنستیتیوتی كه‌له‌پووری كوردیش له‌و گۆشه‌نیگایه‌وه‌ی كه‌ تێكست و فه‌رهه‌نگی یارسانی به‌ به‌شێك له‌ كه‌لتووری كورد و كوردستان ده‌زانێت، هه‌روه‌ها پاڵپشت به‌و كۆمه‌ڵه‌ واژۆیه‌ی كه‌ له‌لایه‌ن كه‌سانی ئایینی یارسانییه‌وه‌ به‌و تێكستانه‌ دراون كه‌ له‌م كتێبه‌دا هاتوون، ئنستیتیوتی كه‌له‌پووری كورد ئه‌م كتێبه‌ی چاپ كردووه‌.
ئاشكرایه‌ كه‌ كه‌لام و تێكسته‌ كۆنه‌كانی یارسان، په‌یوه‌ندیان به‌ 72 ده‌وره‌ی مێژووییه‌وه‌ هه‌یه‌ و ئه‌وه‌ی له‌م كتێبه‌دا هاتووه‌، ته‌نها بریتییه‌ له‌ یه‌كێك له‌م ده‌ورانه‌ كه‌ په‌یوه‌ندی به‌ ماوه‌ی سه‌فه‌ركردن و گه‌شتنامه‌یه‌كه‌وه‌ هه‌یه‌ كه‌ له‌ “شاهۆ”وه‌ ده‌ست پێده‌كات و له‌”به‌رزنجه‌” كۆتایی پێ دێت.وه‌كو ناوه‌رۆكیش بریتییه‌ له‌ سه‌رگوزشته‌ی پڕ ڕاز و ڕه‌مزی روحتاو “پیربنیامین” و (ێ‌تسا “خاتون رزبار” كشكول “داود كوسوار” و قلم “مصگفی داوان”) و هه‌ریه‌ك له‌ “بشارت” و یاران “عنقا” كه‌ وه‌ك دوو هاوڕا له‌ دیداری روحاتاودا بوون. تێكڕای كه‌لام و به‌سه‌رهاته‌كانی نێو ئه‌م گه‌شته‌، له‌ 297 به‌نددا ڕیزكراون و لای یارسانه‌كان به‌ قسه‌ی پیرۆز و یاسا ده‌زانرێن و لێی لاناده‌ن.
شایه‌نی باسه‌، كتێبی (روحتاو از شاهو تا برزنجه‌) له‌ نووسین و ئاماده‌كردنی (سه‌ید محه‌ممه‌د حوسه‌ینی)یه‌.

Previous
Next
This site is registered on wpml.org as a development site.