Skip to Content

Wednesday, December 8th, 2021

ساتى مردنم هاتووە…..عومەر جەلال

Comment
by December 21, 2008 ئەدەب

 ساتى مردنم هاتووە
  عومەر جەلال

 
 1
 بۆنى  باران ناناسمەوە
 هاژەى ئاویش نابیستمەوە
 پشتم بە ئەندازەیەك كۆمبووەتەوە
 ئاژەڵەكان هاورێتیم دەكەن
 2
 هەرگیز گۆرانیم نەوتووە
 ماوەیەكە دەنگم  زۆرخۆشبووە
 بۆنى شەقامەكانى منداڵیم دەكەم
 سەراپاى جەستەم سپى دەبێت
 3
 نامەیەكى ئەوم خوێندەوە
 بەر لەچەند ساڵ نوسیبووى خۆشم ناوێى
 تك تك خوێن لەچاوم دەهات
 نەمدەتوانى پەنجەى دەستەكانم
 لەیەك دى جودا بكەمەوە
 4
 كورتە شیعرێكى خۆم لێ ون ببوو
 لە رۆژنامەیەكى  سانسۆركراودا  دیمەوە
 چەندە نیگام لێكرد و دەستم بە پرچیدا هێنا
 ئێستاش هەر نەیناسیمەوە
 5
 جگەرەیەكم بە گڕى تەنیایى پێ كرد
 كتێبێكم لە ژێر سەرم دانا
 چۆلەكەیەك لەسەر چاوانم نیشتەوە
 تینوێتى راپێچى كردبوو
 فرمێسكى چاوانم بخواتەوە
 
 
 omerjelal@yahoo.com
 
 
 
 
 
 
 
 
 
 
 

Previous
Next

Leave a Reply