Skip to Content

Friday, January 15th, 2021

سمۆره‌ و منداڵ(2) ….عه‌لی حه‌مه‌ڕه‌شید به‌رزنجی

Be First!

 

 

رۆژێك ســـــــمۆره‌ی وریا

بینی وا چـه‌ند منداڵێك

یاری به‌ به‌فر ده‌كـــــه‌ن

له‌به‌رده‌م ده‌رگای ماڵێك

@@@

ســـه‌رنجی دا وا هه‌موو

یه‌كه‌ یه‌كه‌ و به‌ كۆمه‌ڵ

بۆ شێره‌ به‌فرینه‌یه‌ك

به‌فر دێنن به‌ تۆپه‌ڵ

@@@

وتی چه‌ند خۆشه‌ زستان

وه‌رزی به‌فر و بـــارانه‌

زستانی كوردســتانیش

هه‌ر به‌ به‌فره‌وه‌ جوانه‌

@@@

گرد و چیا و دۆڵه‌كان

تارای سپی ده‌پۆشـــن

له‌گه‌ڵ پروشه‌ی به‌فرا

منداڵانیش دڵخۆشــن

@@@

خۆزگه‌ منیش وه‌ك ئه‌وان

به‌شداریم بكـــــــردایه‌

جوان خۆم ده‌پێچایه‌وه‌

هه‌تا سه‌رمام نه‌بووایه‌

@@@

1/2/2011

 

Previous
Next

Leave a Reply