Skip to Content

Saturday, September 19th, 2020

سەرەک کۆمارێکی بەڕەچەلەک کورد!….. سەرکەش

Be First!
by March 14, 2008 گشتی

 لە مێژووی نوێ وهاوچەرخی خۆرهەلاتی ناوین ڕەنگە ڕێکەوت یا هەلەیەکی مێژوو ڕۆلی خۆی گێڕا بێ لەوەی پۆستی سەرۆک کۆماری یەکێک لە چوار دەولەتە داگیرکەر و سەرکوتگەرەکانی کوردستان، بدرێ بە کوردێک ، بەلام هەرگیز ڕێکەوت و هەلەیەکی مێژوو نیە و نابێ کە سەرۆک کۆماری هەر یەکێک لەم چوار دەولەتەی کوردستانیان بە سەر دابەشکراوە، لەدژی دۆزی ڕەوای گەلی کوردستان نەبن!!
  سەردانەکەی بەڕێز تالەبانی سەرۆک کۆماری عێراق*، بەڕەگەز کورد، ئەم ڕاستییەی سەرەوەی بۆجارێکی تر زۆر بەزەقی سەلماندەوە.
 هەر کام لەسەرۆک وڕێبەرە کۆن و تازەکانی ئەم چوار دەولەتەی خۆرهەلاتی ناوین، ئەگەر تا سەر ئێسقانیش دژایەتی دۆزی ڕەوای گەلی کوردستانیان کردبێ، بیکەن، ڕەنگە هەندە جێی سەرسوڕمان نەبێ، ئێدی لە سەرۆک و سەرکردەی دەولەتانی کۆلۆنیالی هەر ئەمە ڕەچاو دەکرێ، چونكە سیستێمی فەرمانڕەوایەتی و پێکهاتەی ئەقلییەتی دەسەلاتیان لەسەر بنەمای ستەم و داننەنان بە بوونی گەلی کوردستان دامەزراوە.
 بەلام بۆ سەرۆک کۆماری عێراقی بەناو نوێی فیدرال و بۆ بەڕێز تالەبانی کە بە ڕەچەلەک کوردە، ڕابردووێکی دیار و بەر چاوی بووە لە جوولانەوەی ڕزگاریخوازانەی خەلکی کوردستان، نەدەبووا وا بکەوێتەوە کە سەد خۆزگە بە کفن دزی پێشوو بخوازین!
 نە دەبوا بەڕێز تالەبانی وا سوک و سانا پشیلەیەکی کورد بکا بە پشیلەیەکی عێراقی، کە بەمە حوزری لە قەباعەت گەورەتر کرد.
 لەکاتێکدا بەڕێزیان سوور دەزانن، ڕژێمی کەمالیستی ڕەگەزپەرستی تورک، داوای هەلۆ سوورەکانی قەندیل دەکەن کە کوردن و مەردن و عێراقی نین و عێراقی بوون بە شەرمەزاری دەزانن!!
 تۆارنیە ڕاسیستەکان پشیلە کاسە لێسە، لات و دەستەمۆکانی مەتبەقیان داوا نەبووە و نابێ.
 دیسان بۆ بەڕێز تالەبانی وەک سەرۆک کۆمار و وەک عێراقییەکی عەیار بیست و چوار نەدەبوو ئاوا لەگەل سەرۆکی ولاتێک دابنیشێ کە هێرشی ئاسمانی زەوی کردۆتە سەر شیمالی حەبیبی عێراقە لە دل شیرینەکەی سنووری سەروەری و ئاسایشی نیشتیمانی عێراق و هەرێمی کوردستانی لکێنراوی کردۆتە پەڕۆی بێ نوێژ. بێ ئەوەی بۆرە أەخنەیەک، هوردە گلە و گازاندەیەکی بخاتە ڕوو.
 دەبوا بەڕێزیان عێراقی بوونی خۆیان بە پراکتیک نیشاندابا کە وادەرنەکەوت.
 بەلام لەگەل سەرۆك کۆماری عێراق زۆر گۆتن قورعانیش ناخۆشە**
 
 سەرکەش/ئوپسالا   
   
a_sarkash@hotmail.com
 …………………………………………………………….
 *دەستە واژەی (عێراقی نوێی فیدرال) تەنیا لەزاری سەرۆک و بەرپرسە کوردەکان چاوهەلدێنێ و دەبیسرێ دەنا لە زاری عێراقییەکانی تر عێراق هەر بە هەمان پێناسە کۆنەکەی جارانی دەگوتریێتەوە.
 **  قسەیەکی بەڕأێز تالەبانی یە لە سەردەمی شاخ، لە کۆبوونەوەیەکی کادرە پێشکەوتووەکانی (ی.ن.ك) لە هەشتاکان دەلێ ( زۆر گۆتن قورعانیش ناخۆشە، سعودییە ڕادوێەکی هەیە بیستوو چوارسعات قورعان لێ دەدا كێ تاقەتی ئەوەی هەیە بیستوو چوارسعات گوێ لەم ڕادیۆیە بگرێ)  
     
 

Previous
Next

Leave a Reply