Skip to Content

Monday, October 26th, 2020

شانزەی سێ چیمدی ؟ … فەتاح حەسەن

Be First!
by March 13, 2013 ئەدەب

 

 

 

-٢٥-

مامۆستا ( فەخرەدین ) ێك، دەناسم

بیست و پێنج ساڵە، رەشپۆشە

بۆ مناڵەکانی و ژنەکەی.

-١-

کیمیاباران، روی نەدابوو

لە ژێر زەمین

خاولی تەڕم، دابەش دەکرد

پیرێك وتی

خۆت لەبیر نەکەی، حەو برا.

-٢-

بە بەر ماڵی ( عومەری خاوەر ) دا، رۆشتم

ئەی نازانم !

بۆ نەمردم ؟

-٣-

قرخە و لرخە

لە تەك، قاقا و پێکەنیندا

تێکەڵ، بە رشانەوە دەبوو.

-٤-

ئەڵقاو ئەڵق

بە، رەشبەڵەك، هەڵدەپەڕین.

بێئاگا بوون

کە، سەرچۆپی، مەرگ دەگرن.

-٥-

کۆرپەیەك، پەیتا، پەیتا

گۆی مەمکی

دایکە مردووەکەی دەمژی.

-٦-

مێردمنداڵێك

پەلی، باوکە نابیناکەی

رادەکێشا

ناو بە ناوێك

هاواری، لە، دایکی دەکرد

-٧-

دایك و کچێك

بە کەمامەی ( خەڵوز ) ەوە

دەستیان، لە ملی یەك نابوو.

-٨-

کۆترە شینکەی

سەر ( قسن )* ەکەی، عەبابەیلێ

وەکو (شوباط ) ، نەیان دەگماند.

-٩-

پیرەمێردێك

دوو سێ، بیست و پێنجی، چوار ئەسپی

رادەوەشاند.

بە، تەنها، یەك وشەی دەووت

ئاو

-١٠-

دەڵەسەگیك

تووتکەکانی، دەلستەوە.

ناو بە ناوێك

روو لە ئاسمان

دەیقروسکاند.

-١١-

چەند ساڵێك بوو

بیرێك ( پاکلەمە )* نەکرابوو.

بە، جام ، ئاوم، لێدەرهینا.

-١٢-

لە پاڵ، درەختێکی، وشك هەڵاتوو

لە ژێر ، گوانی، مانگایەکدا

سەتڵە شیرێك

مێش، تێیدابوو.

-١٣-

داڵێك

لەسەر

لاشەی بەرخێك

نیشتبۆوە

دەنوکی تێنەدەژەنی !

-١٤-

لە ( سازان ) بوو

تنۆك

تنۆك

دادەباری

خۆشی، خۆشی، کە بارانە

هاواریان کرد

هۆوو .. تێزابە 

-١٥-

لە ( هاوار ) بوو

خێرەومەندێك

ژنێکی، لە دۆڵیکەوە، سەر خست.

ژنە، زوو .. زوو

هاواریەکرد

ئەی، نەعلەکەم !

-١٦-

هەر، لە ( هاوار )

خوێندکارێکی، خۆم، بوو، وتی

( کە، گوناحە، مامۆستا فەتاح ، تێکچووە )

قسن. گوومەز 

پاکلەمە ،.کردارێکە، ساڵی جارێك یا دوو جار، ئەنجام دەدرێت، لە سەرەتای بەهاردا، یا ناوەندی هاویندا ( کاتێك ئاستی، ئاوی بیر، روو لە کەمبوون دەکات، بەهۆی، خڵتە و لم و چەو، بیرهەڵکەن، بە چەند پێ یەك، بیرەکە قووڵتر دەکات، تا ئاوی بیرەکە زیاد بکات) 

 

فەتاح حەسەن

دانیمارك/ ڤالبی 

 

Previous
Next

Leave a Reply