Skip to Content

Sunday, January 24th, 2021

شیعرێکی ڕوتوقوت …. به‌ندی عه‌لی

Be First!
by July 12, 2012 هۆنراوە

 

 

 

 

به‌مه‌رگیشم

قوتار نابم له‌ده‌ستی

ناوه‌که‌م

 

له‌گۆڕیشدا

دێ و ده‌خه‌وێ له‌ته‌کما

ته‌نیایی

 

خۆزگه به‌ده‌ستی ئه‌و

ده‌کوژرام

عیشق

 

ئه‌و پرسیاره‌ی

له‌تاقیکردنه‌وه‌ی مه‌حشه‌را

ته‌رکی ده‌که‌م

ژیان چیه‌

 

خه‌وێکی شاعیرانه‌یه‌و

نایه‌ته‌ دێ

دڵنیایی

 

وه‌ک مه‌نجه‌ڵی هه‌ڵم په‌سته‌

ئه‌مڕۆ .. دڵم

 

 

هه‌زارو یه‌ک ده‌ست ده‌کات و

که‌سیش پێی ناڵێ سۆزانی

پاره

 

هه‌ر له‌ته‌والێته‌کانا

بۆنی ده‌که‌ین

عه‌تری ئازادی

 

قوڕی ده‌ستکرده‌و به‌ته‌نیا

شازاده‌کان بۆیان هه‌یه‌

گه‌مه‌ی پێکه‌ن

دیمۆکراسی

 

بخرێته‌ سه‌ر تای ته‌رازوو

کێشێ ئه‌وه‌نده‌ی پوشێکه‌

یه‌کسانی

 

به‌زمان ئه‌درێ و

به‌ده‌ست ئه‌دزرێ

مافی مرۆڤ

 

هه‌ر ئاوا ئه‌بێ و

هه‌رگیز هه‌ڵنایه‌ت

خۆری ئاشتی

 

هێنده‌ له‌شێرپه‌نجه‌ ده‌چێت

ده‌ڵێی برا دوانه‌ی یه‌کن

گه‌نده‌ڵی

 


به‌ندی عه‌لی
 .. 2012

 

 

Previous
Next

Leave a Reply