Skip to Content

Monday, January 25th, 2021

غەزاى کوشتنى تاریکى

Be First!

 

 

 

وەرن بۆ غەزاى کوشتنى تاریکى…

وەرن بۆ کۆکردنەوەى وردە تەرمى یەڵدا،

ئێمە لەوێوە هاتوینەوە،

لەو شوێنەى لەناو کتێب و فەرمودەکانى “نور”دا،

روناکى حەڵاڵ و

تاریکى حەرامە…..

لەو شوێنەى لەناو بیرەوەرى مانگدا،

شەڕى تار، شەڕێکى ئەزەلییە…

وەرن بۆ غەزاى کوشتنى تاریکى..

ئەوەى بێت …

حەفتاو چوار ئەستێرە و کەنیزەیەک و

سەدان چراى باڵا ژن ،

حەفتاو چوار مانگى کەلەپچە و

سەدان مۆمە کچى بەرز بەژن ،

بەدیارى بۆ خۆتان دەبەنەوە…..

وەرن بۆ غەزاى کوشتنى تاریکى،

ئەگەر بێن لەگەڵ کوشتنى هەر بستێک لە تاریکى

فرسەخێک لە جەهل دەمرێت،

وەرن با تاریکى بکوژین، 

وەرن با شەو لە کات و 

کات لە تاریکى و

یەڵدا لە پایز و 

پایزییش لە مێژوو ببڕینەوە، 

وەرن با شەو بەو هەموو ئەفسانە درۆزنە و 

بەو هەموو حیکایەتە چەپەڵەوە سەرەنگون بکەین….

وەرن با غەزاى کوشتنى تاریکى جاڕبدەین 

چونکە بەهەشتى روناکى بۆ ئێمەیە.

 

Previous
Next

Leave a Reply