Skip to Content

Tuesday, January 26th, 2021

فه‌رامۆشی … هه‌ردی شه‌فيق

Be First!
by April 1, 2013 ئەدەب

 

 

 

ئاخ ڕوئیاى من 

تۆ ئەو پیاوەت بیر ماوە 

تاقەتى نەماوە گۆرانیەکى تر بۆ برینەکەى دڵى بڵێ؟

ئەو پەروانەت لەیادە 

بۆ چونە ناو دڵى مانگ خۆى خستە دەریاوە ؟

من ئەزانم گێلاسى حەوشەکەمان ئەم بەهارە تەنیایی ئەگرێت

من ئەزانم لەم پایزەدا کەبرینى عاشقان ئەکولێتەوە

پیاوێک لەنزادا سەیرى ئاسمان ئەکا و ئەڵێت :

تۆ هەلاهەلا بوونى منت بینى و هیچت نەوت 

وەک خنکانى دارستانێک لەناو دوکەڵى خۆیدا 

لەدورەوە سەیرت ئەکردم 

وەک پەپولەیەک

لەدەستەکانى تۆدا ئەمردم و باکت نەبوو 

ئاخ ئەى حەقیقەت

ئەى ئەو برینەى هەموو ڕۆژێک بەنینۆک لەسەر دڵم 

هەڵت ئەکەنم و خوێنت لێنایەت 

ئەو ڕۆحەى زەمانێک بولبولێکى کەیفخۆش تیایدا ئەیخوێند

خۆشەویستى ، خۆشەویستى 

ئێستا وەک حەوشەیەک غەرقى چۆڵەوانى و خەیاڵە 

کوندەپەپویەک لەگەرویەکى بریندارەوە هاوار ئەکات 

وێرانبوون ، وێرانبوون 

قەلەڕەشێک بەجلى پرسەوە تیایدا ئەناڵێنێت 

تەنیایی، تەنیایی، تەنیایی

 

Previous
Next

Leave a Reply