Skip to Content

Thursday, March 28th, 2024
فه‌زای خه‌ونه‌كانم….. هه‌ندرێن حه‌مه‌ده‌مین

فه‌زای خه‌ونه‌كانم….. هه‌ندرێن حه‌مه‌ده‌مین

Closed
by November 4, 2008 ئەدەب

 
 فه‌زای خه‌ونه‌كانم….. هه‌ندرێن حه‌مه‌ده‌مین
 
 هه‌موو شه‌وێ
 وشه‌كانت
 دار‌خه‌ونه‌كانی باخچه‌ی ته‌مه‌ن پڕئه‌كه‌ن
 پڕیان ئه‌كه‌ن له‌و گه‌ڵایانه‌ی
 خه‌مه‌كانی عاشق هه‌ڵئه‌مژن و
 حه‌زه‌كانیان ئه‌ده‌نه‌وه‌
 ئه‌بنه‌ سێبه‌ری راز و نیازه‌كانی دڵ
 شه‌ونمه‌كانیان
 خۆیان هه‌ڵگرتووه‌ بۆ ئه‌و رۆژه‌ی
 له‌گه‌ڵ ماچه‌كانمان ته‌ڕمان بكه‌ن
 ده‌نگی هه‌ناسه‌ی خۆزگه‌كانت
 ئاوازی ته‌نیایی ژووره‌كه‌م
 گه‌ڵا سه‌وزه‌كانی به‌ر په‌نجه‌ره‌ دێنه‌ سه‌ما
 هه‌ر چه‌ند به‌ ئاو مه‌ستیان ئه‌كه‌م
 بێ ره‌نگی تۆ گه‌شه‌ ناكه‌ن
 وانه‌زانی بۆنی قسه‌كانت
 نه‌سیمێكه‌ هه‌ر له‌ گیانی مندا كۆبۆته‌وه‌
 فێنكایی تۆ تخوبی بوونم ئه‌به‌زێنێت
 به‌ هه‌موو بۆشایه‌كاندا ئه‌مبات و
 له‌ناو خۆتدا
 به‌ندی گوڵه‌باخه‌كانم ئه‌كه‌یت
 ئه‌ی فه‌زای ئه‌زه‌لی خه‌ونه‌كانم
 
 handren88@hotmail.com
 
 ٢٦ی ٩ی ٢٠٠٨
 

Previous
Next
This site is registered on wpml.org as a development site.