Skip to Content

Friday, March 29th, 2024
قه‌زاو قه‌ده‌ر …. به‌ندی عه‌لی

قه‌زاو قه‌ده‌ر …. به‌ندی عه‌لی

Closed
by January 6, 2012 هۆنراوە

چه‌ند بێ شه‌رمی تۆ ئه‌ی قه‌ده‌ر
گوڵ ئه‌که‌ی به‌هاوسێی دڕک و
کۆتر به‌هاوزمانی داڵ
نیچیر به‌هاوخوێنی ڕاوچی و
ڕێویش به‌ڕێزانی سه‌فه‌ر
چه‌ند بێ ئابڕوی تۆش ئه‌ی قه‌زا
هه‌رچی قه‌له‌ڕه‌شکه‌ هه‌یه‌
له‌ئێمه‌ت کردن به‌په‌ری و
هه‌رچی جاڵجاڵۆکه‌ هه‌یه‌ به‌په‌پووله‌و
شه‌مشه‌مه‌کوێره‌ش به‌ته‌ته‌ر
باڕه‌شێکی دڵ قه‌قنه‌سی
گوڵه‌ مێخه‌کێکی وه‌راند
ووتی ئاخر ڕه‌نگ و بۆنی
ته‌واو هه‌راسانم ئه‌که‌ن
چیم له‌ده‌ست دێ ته‌بعم وایه‌
چه‌خماخه‌یه‌ک
دڵی هه‌نگێکی خنجیله‌ی کرده‌ نیشان
ووتی چ بکه‌م کاری خوایه‌
قولاپێکی ژه‌نگاویی چروکی نۆکه‌ر
له‌سنگی ماسیه‌ک چه‌قی
بێ شه‌رمانه‌ هاواری کرد
چیتر نه‌بوو .. غه‌یری ده‌ستی
قه‌زاو قه‌ده‌ر

Previous
Next
This site is registered on wpml.org as a development site.