Skip to Content

Thursday, November 26th, 2020

كتێبه‌كانی فه‌رهاد …… قوبادی جه‌ لیزاده‌

Comments
by August 4, 2009 ئەدەب

 

 

له‌ كه‌لار.. ، ئاگر به‌ر بۆته‌ ،
 گوڵه‌ گه‌نم .
بووكه‌ شووشه‌ .
رووباره‌كانی ئه‌فراندن
مه‌زراكانی (( شێت )) یی !

ئاگر به‌ر دراوه‌ته‌  ئه‌و ماسیانه‌ی ،
 فه‌رهاد،  له‌ خنكان رزگاری كردن .
ئه‌و كارمامزانه‌ی ،
 له‌ سێره‌ی راوچی دووری خستنه‌وه‌ !
ئه‌و دره‌ختانه‌ی،
 له‌ ووشكه‌ ساڵیدا ، تێراوی كردن .

گوێم له‌ هاواری حه‌رفی گوڵ ،
 رسته‌ی په‌پووله‌یه‌ .
هه‌ست به‌ كڕوزانه‌وه‌ی ، جۆگه‌له‌ی دێڕ ده‌كه‌م .

له‌ كه‌لار ….
ئاگره‌و به‌ر بۆته‌ ئابرووی ژن !
به‌ربۆته‌ مه‌مكی حه‌یران !
به‌ربۆته‌ : مناره‌ی چۆلی .!!

له‌ وێ‌ ، بۆنكڕووز دێ‌
بۆكڕووزی ،
 ردێنه‌ خه‌نه‌ییه‌كه‌ی هه‌للاج و
سمێڵه‌ زیوینیه‌كه‌ی  پیرباڵ .
له‌ كه‌لار ،
(( دوعا )) یه‌كی تر ده‌كوژن
مه‌ سیح ده‌ده‌نه‌وه‌ له‌ دار
ئاخیر زه‌مانه‌!!
له‌ كه‌لار….

 

 

Previous
Next

Leave a Reply