Skip to Content

Friday, March 29th, 2024
كچێك به‌به‌رگی بارانه‌وه‌….ئیبراهیم هه‌ورامانی

كچێك به‌به‌رگی بارانه‌وه‌….ئیبراهیم هه‌ورامانی

Closed
by February 19, 2009 ئەدەب

كچێك به‌به‌رگی بارانه‌وه‌
شیعری : ئیبراهیم هه‌ورامانی
        14\ شوباتی \2009

هه‌ر به‌چه‌شنی
چڵه‌ ڕێحانه‌یه‌كی شه‌رمن
جار …نا جارێ‌
به‌دزی
چاوه‌ ئێشك گرتوه‌كانمه‌وه‌
سه‌رخه‌وێ‌
له‌هه‌ناسه‌ما ئه‌شكێنی .
هه‌ربه‌چه‌شنی
كۆتره‌ باریكه‌یه‌كی عه‌جول
جار… ناجارێ‌
به‌دزی
ڕوانینه‌كانمه‌وه‌
له‌نێو خوێنی
دڵما
نیگارێكی عاشقانه‌
                  ده‌نه‌خشێنی .
له‌مه‌وداكانی ڕوانین
دوورین …..دوور .
له‌ڕاچه‌نینه‌كانی گۆرانی
غه‌ریبین ….غه‌ریب
نێوانی من وتۆ
تاڵه‌ ده‌زویه‌كه‌ باریك
          بۆ خۆشویستن .
له‌ته‌ك دابارینی
دڵۆپ …
دڵۆپی بارانا
وه‌ك سێبه‌ری خوێنه‌كه‌م
به‌ته‌نیشتمه‌وه‌ ،
شه‌قامه‌كه‌ ده‌هه‌ژێنی .
بۆ كوێ‌ بچم     !
له‌كوێ‌ وه‌ بێم !
وه‌ك  دێڕه‌ شیعره‌كانی دایكم
به‌چرپه‌
هێمنانه‌ …ده‌مدوێنی .
****     ****    *****
دوێكه‌ ته‌نیا گوڵێكم شك ده‌برد
سوور …سوور
وه‌ك سوراوی سه‌رلێوانت .
ناسك ..ناسك
وه‌ك ناسكی كوڵمه‌كانت .
باران …هات و
پاڕایه‌وه‌ پێ‌ ببه‌خشم .
مانگ به‌و به‌رزی یه‌وه‌
بۆ سه‌رزه‌وی دانه‌وییه‌وه‌ و
داوای كرد لێم ..
كانیله‌یه‌ك هاته‌ سه‌ر ڕێم ..
چه‌م و شۆڕه‌بی پێكه‌وه‌
دنیایه‌ك لێم پاڕانه‌وه‌
ئه‌وان ووتیان و
من ووتم :
گوڵی سووری نێوان ده‌ستم
چاوه‌ڕوانه‌
ئازیز بێت و
له‌به‌رۆكی هه‌ڵبواسم .

Previous
Next
This site is registered on wpml.org as a development site.