Skip to Content

Thursday, November 26th, 2020

له‌ ماڵی ژنێكی عاشقدا !…..به‌رزان هه‌ستیار

Be First!
by April 5, 2009 ئەدەب

   لە ماڵی ژنێكی عاشقدا ! *
 
 بەرزان هەستیار
 كانونی دووەم و مارتی ‏2009‏‏
     كۆلن / ئەڵمانیا

  bhastiar@yahoo.de
    
 
 " هەر " با "یەك تەنوورەكەی هەڵدایتەوە "….
 داوای پێناسەكەی لێ بكە
 نەوەك پیاوێكی دەبەنگ بێ و
 كە خۆی بەتاڵ كردەوە ،
 بڵێت ، ئەرێ خەوت نایەت ؟
  *******
 " بەر لەوەی خۆت بخزێنیتە  بن هیچ بەتانییەك "
 دەستێكی لێ وەردە ، بزانە ….
 وەكو ئیحساسی خۆت نەرمە !
  *******
 "پیاوێك توند گوێچكەت ئەگەزێت "
 بەڵام أەنگە ، سەد جار دابێتی بە أۆحی خۆیەوە
 پێش ئەوەی بیر لە لەزەتی گوێچكەكانت بكاتەوە
  *******
 قەت بیرت بۆ ئەوە چووە …
 " ئەو پارووە نانەی ئەیجوویت " ،
 دڵی پیاوێكە ، هەتا ئێستاش نەیوێراوە
 لەجارێك زیاتر خۆشەویستیی بكات ؟!
  ******
  " " ئەو " ت خۆش ویست
 وەك ئەوەی شیعرێك بنووسیت
 أەنگە " ئەو " وەك ئارد بڵاو بكەیتەوە ،
 بەڵام شیعرەكە ، نا "
  *******
 " أوومەت بە كڵاوە خوورییەكەت دامەپۆشە "،
 پیاو و أەشەبا وەك یەك هەڵئەكەن
  *******
 " چاكەت و بوتڵە ئاوەكەت جێ ئەمێنێت "
 تا دێیتەوە ، چاكەتەكەت لە باوەشی پیاوێكدایە و
 بوتڵە ئاوەكەشت خاڵیی ، بە لێویەوە
  ******
 " كە ئەزانێ لێی تووأەیت
 أەنگی مردووی لێ ئەنیشێت "
 چونكە تێ ئەگات ، ئەو شووشەی عیشقەی…..
  بە كاڵ فامیی خۆی شكاندی
 مەحاڵە لەگەڵیا كۆی بكەیتەوە
  *******
 " تۆ ، كیسە گەنمەشامییەكەت لێ ئەأژێت
 كە زەنگێكی ئەوت بۆ دێت " ،
 بەڵام نازانیت ئەو ساتە ، چی ئەأژێتە أۆحی ئەو
  *******
 " یەخەی كراسەكەت بۆن ئەكا " و
 ئەوەت بیر ئەكەوێتەوە
 كە تۆ ژنێكی  لە بخوورد ،
 ئەویش پیاوێك لە داگیرسان
  *******
 " كە باوەش ئاوەڵا ئەكەیت
 چ شتێكی بیر ناچێتەوە "
 یەك پارچە ئەبێتە دارستانێك لە وتن ،
 نزارێكی بەرین لە بێ دەنگیی ّ!
  *******
 " كە دڵت كردە خێر" ،
 كەسێكت بیر نەچێت ؛ دراوسێی دەستە چەپ و
 دەستە أاستی شیعرەكانت  ّّ!
  *******
 " ئەویش درەختەكانی
 بە ناوی تۆ ناو ناوە " و
 گەڵا وەریوەكانیش ، خۆی !
  *******
 " ژێر كراسە مۆرەكەت دائەماڵی و
 ژیان لەبەر ئەكەیتەوە " ؛
 بەڵام ئەفسووس ، كەس پێ أاناگا بۆت بدوێ
 تا خۆت بۆ دەنگیی وەرخەیت
  *******
 " ئافرەتێك وەك أستە كلیل بە كەمەری پیاوێكەوە "،
 چ قیامەتێكی جوانە !!!
  *******
 " گەر عاشق بای ، ئەتزانی بۆ
 هەر كاتێ كە ئەیبینیت ، …..
 ناوی خۆت بیر ئەچێتەوە ؛
 شەپۆلی چاوەكانی  زەینت أانادەن "
 عیشق خۆی ، ئەفیوونێكی شیرینە
  *******
 " بۆنی دێتە بەر كەپووت و
 لە هیچ شوێنێكیش نایبینیتەوە " ،
 من دڵنیام جێیەك هەیە نەگەأاویت ، ..ژێر ستیانەكەت !
  *******
 " هەموو شتەكانت بّّّّّّّژمێرە "
 پارە و نامە و چی و چی ،
 ئەو لەگەڵ هیچ شت و ژمارەیەك تێكەڵ نابێت
  *******
 " لە پاش ئەوەی تێر سەرنج لە چاوەكانی ئەدەیت
 بە دەست خۆت نییە …..
 ماچەكانت بەلاش بكەیت یان نا ّ! "
  *******
 " چەند حەزی لێیەتی بتخاتە بن چاكەتەكەی " و
 تاڵ بە تاڵی تووكی سنگی بژمێریت و
 دڵۆپ .. دڵۆپ ، هەموو شەونمی ئاهەكانت بخواتەوە
  *******
 "پەنجەكانی ئەو نین تێكستێكت بۆ ئەنووسن "
 ئەوە خۆتیت حەرفەكان دەستەمۆ ئەكەیت و
 ئەویش لە ژێر ئەفیوونی عیشقا  ؛ بێ بأست
  *******
 " وەك ئەوەی بچێتە بەر ئاوێنە دێتە بەر تۆ و
 یەخەی كراسەكەی أاست ئەكاتەوە و
 بۆینباخەكەی چاك ئەكا و
 ئینجا دڵی نایەت ، بچێتە دەرەوە ، ئەوأۆش "
  *******
 " بەو كراسە سنگ داچەقاوەتەوە "
 منیش ئەتخەمە زەینی شیعرەوە
  ******
 " لە هەر شوێنێك بتبینن ، پیتەكانی ناوی ،….
 بیست ئاوأت لێ ئەدەنەوە " و
 بیست جاران تۆش ، لە خۆشییان سەرسم ئەدەیت
  *******
 گوارە یاقووتییەكانی تۆش…..
  " لە ملپێچە ژەنگییەكەی ئەو زاڵمترن "
 بێ ئەوەی گوێ بدەنە ئەو ،
 نەرمە گاز لە پەأەی گوێت ئەگرن
  *******
 منەت مەكە ،
 " ئەو ، هەموو ژیانی گڵۆپی سەوزی بۆ تۆ و
 سووری بۆ هەموو كەون پێ كردووە "
  *******
 " كراسە گوڵ زەردەكەت ، كورت بێتەوە و
  تا سەر چۆكت بێت یان نا "
 پیاوە چاو زەردەكە ،…..
 شەرم لەوە ناكات تا خوار چۆكت بێت ؛ خوار چۆكت
  *******
 "پێیەكت لە نێو دنیایەو
 پێیەكەی ترت لە نێو ئەو " ،
 زۆر دەبەنگیت ، بۆ دنیا دەست لەو هەڵگریت
  *******
 
 " باران تاو نا تاوە دەستەكی دەگەیەنێتە بەلەكت "و
 كەچی تۆ نەفامانە بۆ ئەو ئەگەأێیت
 من ئەڵێم تۆ ،  نە ، بۆنی باران  ئەناسی و
 نە، بەرامەی شەیدایی ئەو
  *******
 " لەسەر پشتی أا دنیا دیارە " ؛
 كافرباب ، تۆ سەر پشتی خۆت نابینیت
 پأە لە هەسارەی تازە ؟ّ!
  *******
 " هەورێك لەسەر سەرتە زۆرت كەیف پێ دێت و
 حەز ناكەیت ئاوا بێت " ؛
 لێت ناگرم ، ئەتو  لە أەش داگەأانی ئەو تێ ناگەیت
  *******
 " ئەوأۆ كراسێكی فستقیی لەبەر ئەكەیت و
 سەر لە ژیان ئەشێوێنیت " ،
 زۆرزان ، ئەزانیت "ژیان" خۆی نێرە و
 زوو دێت بە چۆكا
  *******
 " ئەوە ، كەی زرنگییە ، بزانیت
 هەموو أۆژێ دڵی ئەو چەند جار لێ دەدا و
 چەند جار دەپژمێ و ……
 چەند جغارە دەكێشێ "  ؛
 ئەگەر ئازایت ، بزانە دڵی پیاو
 جێگەی چەند ژنی تیا ئەبێتەوە  ّّّ!!
 
 تێبینی :
 * لە دوا لاپەأەی ژمارە "148 "ی  هەفتەنامەی " أەخنەی چاودێر " و لە 5/1/2009  دا خاتوو " نیگار نادر  " چەند بەشێكی لە قەسیدەی " بۆ ئەوەی هەرچی هەتە و نیتە بە من بچێ " بڵاو كردەوە و ئەم شیعرەی منیش  ئیش كردنە لەسەر چەند كۆپلەیەك لەو چەند بەشەی  قەسیدەكەی ئەو و وێنەی تازەیان لێ دروست كراوە و هەوڵیشم داوە كەم تا زۆر بۆنی قەسیدەكەی خاتوو "نیگار "ی پێوە بمێنێت .
  * ئەو دێأ و كۆپلانەی لە ناو كەوانەدان یان وەك خۆی لە شیعرەكەی خاتوو" نیگار نادر " وەرگیراون ، یان دەستكاریی كراون و ئیشیان تیا كراوەتەوە .
 
 
 
 
 
 
 
 
 
 
 
 
 
 
 
 
 
 

Previous
Next

Leave a Reply