Skip to Content

Thursday, March 28th, 2024
لەژ ێـر  هەتـاوی كوردستاندا دەمرم

لەژ ێـر هەتـاوی كوردستاندا دەمرم

Closed
by April 24, 2008 ئەدەب

  حەمەی  ئەحمەد ڕەسوڵ……

 – 1-
 من چۆن بتوانم, دڵـنیا لەژێـر تیشكی
 هەتاوی سبەینێــی  خەونا
 بۆ تــــاوآ بژیم ، بۆ تاوێ بمرم
 من چۆن بتوانم : دوای سووتانی خۆم
 بە ئاسوودەیی سەر بنێــمەوە  !
 ئەی داری زڕ.. هیوا وەریوەكانی وەتەن :
 + رێــدەن , لە سای  ئێـوەوە
 * دوێنێــم  حەسرەتە
 * ئەمڕۆم  پـەژمووردە
 * زۆر چاك ئەزانم سبەینێــشم,هەر سەختە
   بۆرە  دڕكی سەردەم   !
 ئا  ئەم دیوارەی  ناوتان  لێــناوە سوونەتی  ژیان ..
 چیـای نێو بیابـانە,
 ئەژدیهایەكە و پشتی لە هەتاوی خوایە
 بۆ بەدبەختی دڵی گەلا وچاوی گوڵ :
 ئەمێستا قەڵای درۆیە ..سەرابی دەم ئاوە
 +كـآ بــوو لە ئێــوە ,كامتان  لە پێــشا
 پــــیایا هەڵــزنا    !؟
 ئێــستا لە  جەرگــەی  كەنداوی  مەرگــا
 قیــــت ڕاوەستاوە ..
 هێی داری  كۆتەڵ , پـاڵـــەوانانی ملكەچ,
 سیاسەتبازانی بێفەڕ !
 لەسای ئێــوەوە لـــە ڕۆژەڵاتی  پـــەتڕۆڵــدا  ئەمـــڕۆ
 مرۆ ئاژەڵــە و , ئاژەڵیــش مرۆ ..
 مرۆ – ئاژەڵـــی  سبـــەی
 ژەمــی ڕۆژانـــەی  كۆكتێــلی  نەوتە
 لە تاراوگەی كوردستانا :
 ئینســـانی  ئەوڕۆ بەردی چـــەور ئەجوآ و
 بێدار و خولیای سەحرا و…ئەشكەوتە !
 *  دوێنێم  حەسرەتە
 *  ئەمڕۆم   پــەژمووردە
 * سبـــەینێــش ,  سەختــــە
 ***
 دوێــنآ  پـــاڵــم نا  بە ساڵانــــەوە  ,
 ساڵـــیش  تەمەنی
 كەدەر و شوومی  بۆ نووسیمەوە  ..
 ئەمڕۆ یاخیم  لە وەیشوومە و لە بیری سووری دوێنێ
  جاڕسی دەست دەردەسەری ئەوڕۆ و
 سبەینێی درۆ..تووڕەم لە هیوای پڕ درۆی سبەینێ !
 كانی  جۆگــەلە و , هاژەی  ڕووبــــاری  یادگــارییەكانم
 تینووێـــتی  ئەمڕۆم  هەرگـــیز ناشكێنێ  ..
 +  ئەمڕۆكە  خەونت  پێــــوە ئەبینم
 ئای  "  سبــــەینآ  " ی خەم ..
 هێــــــی  "  سبەینێ    "  كەی
 چیای  سەخت و تەم  !
 ئەمڕۆ  یاخیـــــم  لە  خەون و خولیای خۆم
 لە سبەینێی تەمتومانی تۆ  ..
 چونكە  ئەزانم  لەوەیە  سبەی ,
 پــــاشگــــەز ببمەوە و بمرم  بۆ ئەمڕۆ
 دوێنێی سۆزانی و ئەوڕۆی بێ تاموبۆ !
 دوێنێـــــم  حەسرەتە
 ئەمڕۆم  پــــەژمووردە
 سبەینێــش ،    سەختە  !
 من  چـۆن  بتوانم
 لە سای  درەختی  ڕابردووی   عــومرا
 بە ڕاشكاوی  ،
 بیر لە ئێــستاكەی  خۆم  بكەمەوە ..
 بۆ ساتێكیش بێ
 داری زڕ ڕێدەن..بیەڵـن بەدەم شنـەی ئازاری
 یادی  دوێنێـما  تێــر بتلێــمەوە
 
 سلێمانی
 
hemea.rasoel961@yahoo.com
 
 

Previous
Next
This site is registered on wpml.org as a development site.