Skip to Content

Friday, September 25th, 2020

لەگەڵ نمەى بارن…. كاوەى خەسرەوكاوانى

Be First!
by February 14, 2008 ئەدەب

 لەگەڵ نمەى بارن هاتى و
 تۆفانێكت لەدوات جىَ هێشت
 بوویتە هاوڕىَ ى خەیاڵى من ,
 لەگەل نەسیمى سەحەران
 هاتیەنیشتمانى دڵم و
 بوویتە سونگەى
  هەمووخەمانى تاڵى من ,
 لەگەڵ سپێدەیێكى زوو
 هەوارگەى خۆت بىَ وویستى من
 لە دڵ چىَ كرد,
 كە بارگەى سەفەرت تێك نا
 دڵ لە حەژمەت هاتە گریان
 كۆچت چ حەشرێكى پىَ كرد,
 كە تۆدەڵىَ ى پاش ساڵانى دوورى و غوربەت
 پاش قەدرەرى لێك ترازان
 چۆنە ئێستا لێم دەپرسىَ …؟
 باوەڕبكە هەرگیز پشتم
 لەگڕى سووتانەى عیشقت نەكردووە
 ئەوەى بەسووتان خارا بێت
 چۆن دەترسىَ …؟
 چ لە عیشقت پیرۆزترە
 بۆتۆنەبىَ
 بۆكىَ خەمان لەدڵ بگرم ؟
 لەخۆشەویستیت نەسووتێم
 چ مانایە ژین بەدەوام بێت یان بمرم؟
 هەموو دەنگێك لام كپ بووە
 گوێ یەكانم لە پێشوازین
 دەنگى هەنگاوت ببیستن ,
 نەك تەنیا تۆ
 ئەو پیتانەى ناوى تۆشیان پێك هێناوە
 یەكەیەكە لەنێو رۆحم خۆشەویستن .
                                            15/1/2008
 
 
 

Previous
Next

Leave a Reply