Skip to Content

Friday, March 5th, 2021

لە جیات بلۆك ئەمجارە فاتمە بە قازمەو جەكۆش كوژرا ..

Comments
by October 14, 2008 ژنان

 لە جیات بلۆك ئەمجارە فاتمە بە قازمەو جەكۆش كوژرا ..
 رزگار كۆچەر
r_kochare@hotmail.com

 پاش ئەوەى ئێمەى كورد لە كوشتن و زیندە بەچال كردنى ژنان چەندین داهێنانى تازەمان كرد ئەمجارەش وێراى هەبوونى چەندین گروپ و رێكخراوى ژنان و ئافرەتان شەوى 12 لەسەر 10 ئەم مانگە لە شارۆچكەى شاویسى شارى هەولێر تراژیدیاى كوشتنى ژنێك دور لە قەڵەمى فیمنیست خواز رۆژنامەنوسان ئەنجام درا , لەكاتێك رۆژانە لە كوردستان چەندین تیم و تاقم بەناوى داكۆكیكردن لە مافەكانى ژنان و ئافرەتان بەناوى كۆنفراس و ورگ شۆپ پارەى ئەستور ئەستور لەسەر حسێبى جەستەى فاتیمە و چەندین ئافرەتى ترى كوژراو لەهیچ ولە خۆرا سەرف دەكەن دیسان فاتیمە وەك دوعاو فاتیمەكانى تر جەستەى خەڵەتانى خوێن كرا و سى َمنداڵە گوناهەكەى بىَ نازى دایكیان مانەوە  .
 پاش ئەوەى فاتیمەى خاوەن 3 منداڵ ماوەیەك بە هۆى كێشەیەكى خێزانى لە هاوسەرەكەى كە ناوى عبدالرحمانە دور دەكەوێتەوە و دەچێتەوە ماڵى باوكى شەوى 12 ئەم مانگە فاتیمە بە ئاگادارى چەندین ریش سپى و پیاو ماقول دێتەوە ماڵەكەى كە لە شارۆچكەى شاویسە بۆ ئەوەى سەر لە نوىَ ژیانێكى ترى پر مەینەت لەگەل هاوسەرەكەى دروست بكات , پاشان پاش دروست بوونى دەمەقاڵەیەك لە نێوان خۆى و هاوسەركەى بۆ ماوەیەك ماڵەكەیان بێدەنگى تێدا هەست پێدەكرێت بۆ بەیانیش لە كاتێك یەكىَ لە دراوسیەكانى ماڵى فاتمە هەست بە بۆنى خوێن و بێدەنگى ماڵى دراوسێیەكەیان دەكات زوو پۆلیسى شارۆچكەى شاویس ئاگادار دەكاتەوە , پاش گەیشتنى پۆلیس بۆ شوێنى روداوەكە هەست دەكرێت خوێنێكى زۆر لە ژورەكان لەگەل چەكوش و قازمەیەك هەیە تەنانەت دیوار و حەوشى ماڵكە زۆربەى بە خۆین سور بووە بەڵام پۆلیس ئەو كاتە هیچ تەرمێك لە نێو ئەو ماڵەكە نادۆزیتەوە تا ماوەیەك دەر دەكەوێت كە فاتیمە پاش ئەوەى لە یەكىَ لە ژورەكانى ماڵەكەى لەلایەن هاوسەرەكەى دەكوژرێت عبدالرحمانى هاوسەرى بۆ شاردنەوەى تاوانەكەى لە باخچەى ماڵەكەى خۆیان گۆرێك هەڵدەكەنێت و تەرمى فاتیمەى تێدا دەنێژێت و خۆیشى رادەكات .
 دیارە لەم ماوەیە رێژەى كوشتنى ئافرتان روو لە زێدە بوون بووە و رێكخراو لایەنە پەیونداركانیش وەك پێشەى جارانیان لە قسەى زل زل زیدَە تر ناتوانن فشارێكیش لەسەر حكومەت دروست بكەن بۆ ئەوەى تاوانبارانى ژن كوشتن پەلكێشى دادگا بكرێن چونكە وەك دیارە ئەوانەى ژن دەكوژن زۆربەیان ئێستا لە پاڵ بەرپرسێكى حیزبەكان خۆیان حەشارداوە .
 جىَى ئاماژەیە فاتیمە نزیكەى 30 ساڵ لە هاوسەركەى بچوك ترە وەك دراوسیكانیش ئاماژەییان پێكرد كە ئەو ماڵە ماوەیەكە لە خانووە كرێچیەكانى شارۆچكەى شاویسن و هیچ شتێكى خراپیان لەو ماڵە بە تایبەتى لە فاتیمەى كوژراو نەدیووە ..    
 
 

Previous
Next

Leave a Reply