Skip to Content

Friday, October 30th, 2020

لە چاوەڕوانیدا … گوڵی بی

Be First!
by December 15, 2012 هۆنراوە

 

 

ئه‌گه‌ر ئه‌م جاره‌ بێیته‌وه‌ 

کڵپه‌و ژیله‌مۆی دونیای خۆشه‌ویستیم

باخی ئه‌وینی وه‌فا

هه‌رچی چڵ و گه‌ڵای وردی لقه‌ سه‌وزه‌کانی ،

چاوه‌ڕوانیه‌

شنه‌ شن، کڕنۆشی په‌رستن ئه‌بات و

خاکی به‌ر پێی پیرۆزت 

ئه‌زیزم …….ماچ ده‌کات !

ئه‌گه‌ر ئه‌م جاره‌ بێیته‌وه‌ 

مانگ و ئه‌ستێره‌ی شه‌وانی دووری و ته‌نیایم 

ده‌ست بۆ دامانی به‌زه‌یی عیشقی بێ سنورت

درێژ ده‌کات

به‌ تاسه‌وه‌ 

له‌ نێو کوچه‌ی کۆشک و ته‌لاری خه‌یاڵما

بۆ ڕاگری پێته‌ختی شاهانه‌ت

به‌ رۆحم

کۆچی قوربانی ده‌دات

ئه‌گه‌ر ئه‌م جاره‌ بێیته‌وه‌ 

سوپای غه‌م و په‌ژاره‌و 

ورژمی بێ به‌زه‌ییانه‌ی کردوو

خه‌رمانی ناسۆری داو

نه‌شئه‌ی گریانی شه‌وانی پڕ تاسه‌ بۆ بونت

که‌ ئه‌م دڵه‌ بێ په‌رواو …داماوه‌ی به‌ گڕی جودایی و

لێک دابڕان

داگیر کردبوو

شه‌رته‌:

ئه‌زیزم……

به‌ندو کۆتی زه‌هراوی کردوی

که‌ وه‌ک ملوانکه‌یه‌ک به‌ گه‌ردندا 

مردن به‌ گه‌روودا

ده‌نک ده‌نک 

ئه‌م گرێ وشکه‌ 

له‌ ێخه‌ ده‌کاته‌وه‌ 

 

ئەگه‌ر ئه‌م جاره‌ بێیته‌وه‌

به‌ بێ هۆشی و تاسه‌ لێ بڕاو 

له‌ ده‌ریای ئه‌سرینی دوو چاوی بێ ئۆقره‌ما

ته‌پ و تل

پێت ده‌ڵێم :

به‌ کوێری ڕۆحی ڕه‌وانم

زوبانی عه‌قڵم شه‌ق ده‌بات

ئه‌گه‌ر یه‌ک ده‌م .. بێتو نه‌با ….

ناوت

دیسان پێت ده‌ڵێم:

ئه‌گه‌ر له‌به‌ر چاوم نه‌بێت 

مردن بۆ خۆیم ده‌بات

ئه‌گه‌ر ئه‌م جاره‌ بێیته‌وه‌

ئازیزم…. پێت ده‌ڵێم

غه‌م و په‌ژاره‌ی دووری

ده‌وای زۆره‌

له‌ دڵ زوو ئه‌ڕوا 

گیانه‌که‌م

سه‌یرو سه‌ما

باخچه‌ی سینه‌م پڕ ده‌بێ 

له‌ خونچه‌ گوڵی تازه‌ پشکوتو

ژیانم نۆژه‌ن ده‌کاتەوە 

… 

پێت ده‌ڵێم له‌ خوێن و بیرو باوه‌ڕمدا 

چه‌ند به‌ قوڵی 

چه‌ند به‌ توندی

ئاوێزانی 

ئه‌گه‌ر ئه‌مجاره‌ بێیته‌وه‌

گڕو بڵێسه‌ی عیشقت

هه‌تا هه‌تایه‌

له‌ ڕۆح و بیرو هۆشمدا

تیشکی زێڕینی ئه‌گه‌شێته‌وه‌

 

 

Previous
Next

Leave a Reply