Skip to Content

Monday, November 23rd, 2020

ماندیلا و ئۆجه‌لان … عه‌لی مه‌حمود محه‌مه‌د

Be First!
by February 16, 2013 گشتی

 

 

كاتێك بۆ یه‌كه‌مجار بابه‌تێكم به‌ناوی ئۆجه‌لان  ماندێلای كورده‌ نووسی زۆر كه‌س  وتیان  زیاده‌ره‌ویت  كردووه‌,چونكه‌ زۆریان هێشتا  له‌ ژێر كاریگه‌ری ئه‌و پرۆپاگه‌ندانه‌دا بوون كه‌ دوژمنانی بۆیان رێك خستبوو , كه‌چی ئێستا رۆژانه‌ ئه‌م ده‌سته‌واژه‌یه‌ دووباره‌   ده‌بێته‌وه‌, تا ده‌گات به‌و رۆژه‌ی ئۆجه‌لان ده‌بیته‌ میوانی هیلسنكی و ئۆسلۆ , ئه‌وه‌ی ئێمه‌ی  وا لێكرد و ده‌كات  كه‌ ئۆجه‌لان بشوبهێنین  به‌ ماندێلا  ته‌نها هێزی رابه‌رایه‌تیكردن و  مقاوه‌مه‌تی زیندانیه‌كه‌ی نییه‌, به‌ڵكه‌  زۆر خاڵی هاوبه‌شی  دیكه‌ له‌ نێوان ماندێلاو  ئۆجه‌لاندا هه‌یه‌, له‌ تایبه‌تمه‌ندییه‌كانیان  و  هاوشێوه‌یی پێكهاته‌ی  وه‌حشیگه‌ری و دڵڕه‌قی  دوژمنه‌كانیانه‌ ,توركیا و باشووری ئه‌فریقیا دوو سسته‌م  له‌سه‌ر بنچینه‌ی نه‌ته‌وه‌ په‌رستی و ره‌گه‌زپه‌رستی بنیات نراون و له‌ راستیزمه‌وه‌ سه‌رچاوه‌ ده‌گرن, له‌ به‌ره‌و روبونه‌وه‌ی دڵڕه‌قانه‌ی گه‌له‌ بن ده‌سته‌كه‌ی كورد و ره‌شپێسته‌كانی باشووری ئه‌فریقیا كۆپی یه‌كترن , ماندیلاو ئۆجه‌لانهه‌ردووك  به‌ خه‌باتی چه‌كداری ده‌ستیان پێكرد و گه‌لیان دروستكرده‌وه‌ له‌سه‌ر بنچینه‌ی مرۆڤ دۆستانه‌ وهه‌ڵگری بیری شۆرشگێڕی ماركسیزم بوون , له‌ ناو رێكخراوه‌ كۆمۆنیستییه‌كانه‌وه‌ هاتوون , ماندێلا 3 ساڵ ئه‌ندامی حیزبی شیوعی باشوری ئه‌فریقیا بووه‌و و تا هه‌نووكه‌ش پارته‌كه‌ی هاوپه‌یمانی ساندیكا كرێكارییه‌كان و كۆمۆنیسته‌كانن و له‌ خانه‌به‌ندی سیاسیشدا به‌ چه‌پی ناوه‌ند ناوزه‌د ده‌كرێت, ئۆجه‌لانیش  به‌هه‌مان شێوه‌ له‌ رێكخراوه‌ ماركسیستیه‌كانه‌وه‌ ده‌ستیپێكرد و تا هه‌نووكه‌ له‌و مه‌داره‌ سیاسییه‌ خۆی و پارت و بزووتنه‌وه‌كه‌ی ده‌خولێنه‌وه‌, ئه‌و گۆڕاكاریه‌ش له‌ بیركردنه‌وه‌دا ئه‌نجامیاندا هاشاكردن نه‌بوو له‌ رابردوو و تف كردن نه‌بوو له‌ مێژوو وه‌ك هه‌ندێك كه‌س و لایه‌نی چه‌پگه‌رای كوردی دیكه‌ كردیان , به‌ڵكه‌ شیكاری و گه‌ڕان بوو به‌دوای هه‌قیقه‌ته‌كان و راستییه‌كان  له‌ناو هه‌ناوی هه‌مان بیروباوه‌ڕی سیاسی و قوتابخنه‌ی فكری .

هه‌ردووكیان له‌ په‌یامێكدا هاوبه‌ش بوون به‌ شۆڕشگێڕی و خه‌باتی  توندی چه‌كداریی و قوربانیدان ده‌ستیان پێكرد, كاتێك گه‌لیان له‌ نه‌بوونه‌وه‌ دروستكرده‌وه‌ له‌ پێناو خوددا , ئه‌وجا به‌ یاوه‌ری گه‌ل و بوون به‌ ئه‌مری واقیع  به‌ره‌و ئاشتیخوازی  و  گفتوگۆ له‌ پێناو كۆتایی هاتن به‌ خوێن رشتن  له‌ زیندانه‌وه‌ هه‌نگاویان نا, دوو مرۆڤ  خاوه‌ند هیچی تایبه‌ت نه‌بوون به‌ڵكه‌ هه‌ردووكیان  خاوه‌ند زۆربه‌ی زۆری دڵه‌كانی هاووڵاتیانیان بوون , له‌ بری سه‌رمایه‌ دڵه‌كانیان داگیر كرد , دڵیش گه‌وره‌ترین سه‌رمایه‌ی سیاسی و ره‌مزییه‌ , سیاسی بێ بوونی هێزی دڵ ,سه‌ركرده‌ی سه‌ر كاغه‌زه‌, جیاوازییه‌كان  نێوانیان  ئه‌وه‌نده‌یه‌ ئۆجه‌لان  زیندانه‌كه‌ی سه‌ختتر, ته‌نیاتر , دابڕاوانه‌تره‌, هه‌ر رۆژێكی به‌ ئه‌ندازه‌ی ساڵێكی زیندانیه‌كه‌ی ماندێلایه‌ , له‌ روی فكرییشه‌وه‌ به‌ تواناتره‌ له‌ ماندێلا , هاوكات له‌ بیرمان نه‌چێت ماندێلاش تاقیكردنه‌وه‌ی سه‌ختی ده‌سه‌ڵات نه‌ویستی تاقیكرده‌وه‌ , له‌ كورسی ده‌سه‌ڵاته‌وه‌  گه‌ڕایه‌وه‌ بۆ ماڵه‌وه‌.

ته‌نها ئه‌وه‌نده‌ ماوه‌ ئۆجه‌لان ئایا دوای رزگاربوونی له‌ زیندان رێگاكه‌ی ماندێلا له‌ ده‌سه‌ڵاتنه‌خوازی و زوهد ده‌گریته‌ به‌ر ؟؟, بۆ ئه‌وه‌ی ته‌كمیله‌ی رسته‌كه‌ بكات ئۆجه‌لان ماندێلای كورده‌,یاخود  رێگای كۆكتێلی هۆشیمنه‌ و گاندی و ماندێلا ده‌گریته‌ به‌ر .

Previous
Next

Leave a Reply