Skip to Content

Friday, October 30th, 2020

مردنی ژیان… خولیا حوسێن

Be First!
by June 4, 2012 ئەدەب

 

ئەمشەو ژیان 
کراسی ڕاهیبەیەکی  پۆشیوە
بەختەوەریش
خۆی لەنێو عەبا ڕەشەکەی دایکم شاردۆتەوە

تەمێکی چڕ ئاسمان و زەوی بەیەکەوە گرێداوە
ڕەشەبا گەڵاکان دەبات و 
درەختەکان ڕووت ڕووت
دەکاتەوە لە جوانی
 
ئاوازی ماندووی  پێڵاوە  بەرزەکانی
ژنە سۆزانیەکان
تراویلکەی سەر سینگی شەقامەکان 
نزیکتر دەکاتەوە لە خەیاڵ

دەنگی
هۆڕینی  ئۆتۆمبێلێک 
ژنێک دەکاتە مەزەی شەوی

پیاوێکی بێ دڵ

نازدارێکی تر
لەوسەری سووچەکە
لەنێو باوەشی بێخەوی  ئەم شەوە
لە گۆشەی چاوەروانیدا
شەپۆلەکانی ئیرەیی دەیبەن و
جگەرەیەک بە ڕۆحی سووتاوی خۆی
دادەگیرسێنێ ،
خۆیشی ووردە ووردە
دەبێتە خۆڵەمێش

  

کەنەدە /١١،١١،٢٠١١

Previous
Next

Leave a Reply