Skip to Content

Tuesday, September 22nd, 2020

من دۆعایەك ئەكەم ئێوە هەموو بڵێن ئامین…. حەمە سەعید كەلارى

Be First!

     لە ئەو رۆژەوە هێڕشى وەحشیانەى حیزبە ئیسلامیەكەى مناڵكانى ئەتاتورك دەستى پێكردوە بۆ سەر گریلاكانى بارتى كرێكارانى كوردستان و بە بیانووى لە ناوبردنیان  كە   نیازى راستەقینەو شاراوەیان( غەزو )ى باشوورى كوردستان ولەناوبردنى ئەزموون و دەسكەوتەكانى گەلەكەیەتى ، لەئەو رۆژەوە من چەند جارێك بیرم لە نووسینى وتارێكى سیاسى كردوەتەوە ، بەڵام هەر زوو لێى پەشیمان بومەتەوە ، چونكە خۆم ئەزانم لە نوسینى ئەو جۆرە وتارانەدا كۆڵم ، وەلىَ هەردەم بیرو خەیاڵم لەدەڤەرە سپیەكەى " قەندیل "دا نابڕىَ و رۆحم لە گەڵ رۆحى ئەو كچ و كوڕە پێشمەرگانەدایە كە لە گەڵ مەڕگدا گەمە ئەكەن و ئاوێتەى رۆحیان ئەبێت ،
 منى زماندرێژو بێدەسەڵات و رۆح زەدە سۆپا نەوتیەكەى تێكەڵاو بە گاز و ئاو دائەگیرسێنم و لە سەرماندا ئەخزێمە ناو پێخەفەكەمەوە ، جەستەم گەرم دادىَ و كەچى رۆحم وەك چوَلەكەیەكى سەرما بردوو هەڵ ئەلەرزىَ  ،  بۆیە خەیاڵم بۆ لاى ( ئەوان ) ئەفڕىَ و شان بە شان لە تەك كریلا كاندا بەناو ئەو ( بەورستان )ە دا تەكان ئەدات  هەتا لە تەوقى سەرمەوە تا كەڵەمووسى پەنجەى پێم لە ئارەقەدا شەڵاڵ ئەبێت ، كە خەیاڵم شەكەت ئەبێت و رۆحم تامەزرۆى شەهید بوون ، خەو سوارى سەرەى سپێم ئەبێت ، بە ئایەتەل كورسیەك و ئایەتێكى "" دەم بەس "" دەمى گەنیوى " گوڕگەگە بۆرەكانى ئەتاتورك " و " عەبدوڵا ئەقل گول  و  ئەردوغانى ویژدان گەن " لە پێشمەرگەكان ئەبەستم و یەژم  ؛ " خودا ئەو گورگە دێزانە لە عاست خوشك و برا پێشمەرگەكانم كوێر بكە ، خودا  ،  " پاشان نەعلەت لە ئەمەریكا و بۆشى مونافیق ئەكەم و ((  تف لە عیلم و سەد سنعەت و كارەبا )) ش .
 ئاخر گەر بۆش و تەكنەلۆژیاى پێشكەوتووى سەربازى نەبێت ، ئەو هەموو كون و قوژبن و كورگانە ى دەڤەرى قەندیل بەكىَ كەشف ئەكرىَ !!!!
 بەیانیابیش كە لە خەو هەڵئەسم و دەس بۆ قاوەڵتیەكەم ئەبەم ، دیسان خەیاڵ ئەم باتەوە بۆ لاى  ئەو پلنگ و بەورانە و نازانم چۆن خواردنەكەم (( قوزەڵقورت ئەكەم )) ، پاشان بە زارۆكەكانم یەژم ؛
 (( قەت لە بیرتان نەچێت كە زۆربەى زۆرى ئیمارەتەكوردیەكان بەدەستى هێزى داگیركەرى ئیسلامەوە تەفرو توونا كران و یەكەم " ئەنفال " لە مێژووى كوردا لە سەردەمى خەلیفەى دادپەروەرى ئیسلام " عومەرى كوڕى خەتاب " خواى لێڕازى بێت روویدا ! بۆ گەواهى ئەم راستیەش ئەم شیعرە لە بەركەن كە پاش " غەزا " كوردێكى پاشماوەى ئەنفال لە سەر پیًستى ئاژەلّ تۆمارى كردە و یەژێت؛
 هورمزگان ڕمان ئاتران كژان
 وێشیان شاردەوە گەورەى گەورەكان
 زۆركار ئارب كردنە خاپوور
 گناى پاڵەیى هەتا شارەزوور
 شن و كنیكا وەدیل پشینا
 مێرد ئازا تلى وەڕووى هوینا
 ڕەوشت زەردوشترە مانوە بێكەس
 بزیكا نیكا هورمز وە هویچ كەس.
 كە ئەو شیعرەى سەرەوەم بۆ خوێندنەوە ئەوسا یەژم ؛
 "" دەى ڕۆڵەكانم با هەموومان وەیەكەوە دەس بەرز كەینۆ بۆ عاسمانگ و من دۆعایەك ئەكەم و ئێوە گشت بێژن " ئامین " دوایى یەژم ؛
 "" ئاهورا مەزدا بیكە وە گەورەیى خۆت و خۆشەوستى زەردەشت پێغەمەر  ، كەنیشك و كوڕە گریلاكانت بپارێزەو جەڕەناڵە ڕەسەنەكان و ئیسلامیە زۆڵەكانى  ئەتاتورك یش لووت بشكێنە و رووڕەِشى دنیاو قیامەتیان بكە ، ئامین یارەِبیل  عالەمین  ""0 .
 

Previous
Next

Leave a Reply