Skip to Content

Thursday, November 26th, 2020

میتافیزیكای حه‌زێك …… عیساخدر

Be First!
by August 2, 2009 ئەدەب

 

هاوڕێ‌..
به‌رله‌وه‌ی تاریكی گۆڕ
بیره‌وه‌رییه‌كان بسڕێته‌وه‌و
به‌ئه‌به‌دیه‌تم بسپێرێت
گه‌ره‌كمه‌ دواین پێك
له‌ سپێده‌یه‌كی بێ‌ گوناهدا
لێومان ته‌ڕبكات و
به‌بێ‌ چرپه‌
سه‌مای گه‌ڕانه‌وه‌ بكه‌ین
*              *          *
هاوڕێ‌..
هه‌ندێ‌ جاران..
له‌خه‌وێكی بێ‌ تۆیی دا
زه‌مه‌ن گۆڕاوه‌و
تۆزی وڵاتێكم
له‌ روخساره‌ نیشتووه‌
(تۆ)ی پاكیزه‌ش
تاریكی شه‌و
بكه‌ به‌ سه‌رپۆشێك و
په‌رچه‌می سپیت بشاره‌وه‌
له‌م گوناهستانه‌..!
كه‌س ناتوانێت
په‌ی به‌ بێوه‌ژنێ‌ ببات
كه‌ شه‌و تا به‌یان
له‌گه‌ڵ شه‌هوه‌تدا ده‌جه‌نگێ‌.
ئاااااا  ه
سه‌فه‌ر ئه‌زه‌ڵێكی نادیاره‌و
دوو هه‌رمێ‌ ی حه‌رام
یاخیان كردووم
له‌ باخچه‌ پڕ له‌زه‌ته‌كانی ئه‌وێ‌..!!!
هه‌نوكه‌ بیرت ده‌كه‌م!
گه‌ر له‌و دیو ئه‌ستێره‌كان
چرایه‌ك داگیرسێنی
ده‌تبێنمه‌وه‌
پێت ده‌گه‌مه‌وه‌.
isa_khidhir@yahoo.com

Previous
Next

Leave a Reply