Skip to Content

Sunday, February 28th, 2021

نابۆ توندوتیژى دژى ژنان …!…..سەروەر كەریم

Be First!
by November 24, 2008 ژنان

 نابۆ توندوتیژى دژى ژنان …!
 سەروەر كەریم
 Sarwar_kareem@yahoo.com

 هەموو ساڵێك لە 25ى نۆڤێبەردا ، لەسەرتاسەرى دنیادا ژنان بەشێوازى جۆراو جۆر دێنە مەیدان و دەنگى ناڕەزایەتى بەرزدەكەنەوە ، بەرامبەر بە وزوڵموو زۆرانەى دژیان ئەنجام دەدرێت .گەرچى دەنگێكى نەخێرى جیهانى هەیە دژبەتوندوتیژى ، بەڵام ساڵانە ئامارەكانى بەقوربانى كردنى ژنان ڕوو لەزیادبوون دەكات ، ئەمەش ئەوەنیشان دەدات جیهان بەهەر ئەندازەیەك پێش بكەوێت ، مەینەتیەكانى ژنان زیاددەكات . ئێستا پرسیار ئەوەیە ئایا پێشكەوتنى زانست و زانیارى و تەكنەلۆژیاى نوىَ دەتوانێت عەقڵیەتى پیاو سالارى بگۆڕىَ ؟ یا هەموو ئەوانەش بەجۆرێكى تر چوونەتە خزمەتى مانەوەى ئەو عەقڵیەتەوە ، ئەگەر وانى یە بۆچى بەبوونى هەزاران ڕێكخراوى ژنان و ڕێكخراوى داكۆكى كردن لەمافەكانى ئینسان و بوونى چەندین یاساى نێودەوڵەتى بۆپارێزگارى ، لەمافەكانى ئینسان بەگشتى و مافەكانى ژنان بەتایبەتى ، كەچى تائێستا زۆرترین قوربانیەكانى دەستى توندوو تیژى ژنان و ئامارو داتا ڕەسمى و ناڕەسمیەكان ئەوڕاستیە دەسەلمێن . كەواتە لەئێستادا كام ڕیگا چارەیە گونجاوە بۆبەرەنگاربوونەوەى ئەو دەریا لوشى تاوانە دژ بەژنان ؟ لەكاتێكدا ئێستا بەروە ڕۆژى بەرەنگاربوونەوەى توندوتیژى هەنگاو دەنێن . بەبڕواى من دەبێت ژنان لەسەرتاسەرى دنیادا ئاڕاستەى تێكۆشانیان بگۆڕنن ، لەداواكارى هەندێك مافى كەمەوە بۆ یەكسانى هەمەلایەنى ژن و پیاو بەبىَ هیچ جیاوازیە لەماف و ئەرك و بەڕێوەبردنى كۆمەڵگاو دەسەڵات و هەموو ئەو مافەدەستورىیاساییانە هەڵبوەشێتەوە كەجیاكارى ڕەگەزى لێدەكەوێتە . هەر ئەم ڕیگایە دەتوانێت كۆتایى بەئازارو بێمافیەكانى ژنان بهێنىَ و ئازادى تەواو بۆتاكەكان دەستەبەربێت . ئەگەر ژنان بەشوێن ئەو كارەوە نەبن ، چەندان ڕۆژ جیهانى دابنرێت بۆبەرەنگاربوونەوەى توندوتژى ، تەنها ڕۆژێكەو ، وەك یادێك سەیر دەكرێت و بێمافیەكانیش وەك خۆى دەمێنێتەوە . ساڵەكانیش تێپەڕدەبن .
 سلێمانى
 20/11/2008
 
 

Previous
Next

Leave a Reply